Քոչարյանին կարող է և օգնեն, բայց ոչ Սերժ Սարգսյանը
Քոչարյանը Սերժ Սարգսյանի օգնությունից երբեք չի խերվել:Եթե գրավով բաց թողնելու համար մի երկու հոգի դիմեր, առանց շուխուրի՝ ապա կարելի էր և բաց թողնել մինչև դատը՝ ծիծիլյոն դրամ գրավի դիմաց:
Իսկ հիմա սարքին ընդիմության դրոշակ, Նելսոն Մանդելա: Իսկ Մանդելան պիտի նստի, որ նորեկ հանցավոր ռեժիմի ամբողջ հրեշավորությունը երևա ամբողջ քաղաքակիրթ Ռուսաստանին: Եթե հիմա բաց թողնեն, ապա ոգևորվելու են, վրա տան, սարքեն հաղթանակ: Լավ չի լինի:
Նաև ՀՀԿ-ի քայլերով Ռոբերտ Քոչարյանին աջակցությունը վերածվեց զոռով թիվ մեկ մեղադրյալ լինելու պարտադրանքի, որ Սերժ Ազատիչը երկրորդ համարը լինի:
Ռոբերտ Քոչարյանին հանկարծ թողնեն՝ ինչ անեն, էդ էջը ոնց փակեն, ումո՞վ...
Հենա Ռոբերտ Սեդրակիչը արդեն կա, ուրեմն իրենով էլ Ազատիչը կփակի:
Բանտում նստած Ռոբերտ Քոչարյանը հանձնելու է իր ռեսուսրները Սերժ Սարգսյանին, այն հույսով, որ իր չխոսելու դիմաց պիտի հանեն: Բայց խոսա՝ քաշվելու է, չխոսա՝ էլի քաշվելու է:
Ազատիչն էլ մի քիչ հետո դառնալու է Մոսկվայի, Ռոբերտ Քոչարյանի ու Նիկոլ Փաշինյանի միջև բրոկեր, միջնորդ, որ Քոչարյանի փողով ու նստելով բոլորի հարցերն էլ փակի: Եթե արդեն չի դառել:
Դատը վերծավելու է քաղաքական դիրքային պրոցեսի կառավարման մեխանիզմի:
Ոնց մարտի 1-ը փակեց Ռոբերտ Քոչարյանի վարչապետ դառնալու ճանապարհը, այնպես էլ մարտի 1-ի հետաքննությունը փակելու է պատասխանատվությունը գլխավոր շահառուի հետ հավասար կիսելու իր հույսը: Սերժ Ազատիչին ձեռք է տալիս Ռոբերտ Քոչարյանին ամեն ինչի մեղավոր նշանակել ու քաշվել ղրաղ և այս աջակցությունը թույլ է տալիս Սերժ Սարգսյանին մտնել ստվեր՝ դեմ տալով Ռոբերտ Քոչարյանին:
Ուստի ինքը ոչ թե օգնելու է Ռոբերտ Քոչարյանին, այլ կառավարելի ընթացքով խորտակելու է (ՀՀԿ էլ հետը), որ այդ մեծ կտորով մարդկանց զայրույթը հագեցվի: Իհարկե այդ ամենը կարվի դանդաղ, բարձր թատերական մակարդակով ու Ռոբերտ Քոչարյանից ահագին փող քամելուց հետո:
Քոչարյանին կարող է և օգնեն, բայց ոչ Սերժ Սարգսյանը, որը առաջին հերթին իր հարցերը պիտի լուծի, ուստի Ռոբերտ Քոչարյան, Աշոտյան և այլն միջոց են, նպատակ չեն:
Հայկ Բալանյան
