«Հայերն իսկապես արժանի են ցեղասպանության».Youtube-ում Թուրքիայի հայերի ու հայաստանցի միգրանտների դեմ բռնություն կիրառելու կոչով տեսանյութ է հայտնվել          Մենք կրկին առաջինն ենք,պարգեւատրել կորոնավիրուսի դեմ ռուսական պատվաստանյութի ստեղծողներին       Հիմա որ ես մեռնեմ, տղաս չի կարողանալու գա ինձ հուղարկավորի.Սա պետություն էլ չի, անհատ մի քանի մարդիկ են    

01 հոկ 2018 14:02

Հաջիև. «Ալիև-Փաշինյան հանդիպումը վկայում է, որ բանակցությունների ձևաչափն անփոփոխ է»

Հաջիև. «Ալիև-Փաշինյան հանդիպումը վկայում է, որ բանակցությունների ձևաչափն անփոփոխ է»«Ալիև-Փաշինյան հանդիպման նախաձեռնողը Հայաստանի վարչապետն էր», – այսօր Բաքվում հայտարարել է Ադրբեջանի նախագահի աշխատակազմի արտաքին հարաբերությունների բաժնի ղեկավարի տեղակալ Հիքմեթ Հաջիևը: Նրա խոսքով` «դա ևս մեկ անգամ վկայում է, որ բանակցությունների ձևաչափն անփոփոխ է, և դրանք ընթանում են հենց հակամարտության կողմ հանդիսացող Հայաստանի և Ադրբեջանի միջև»:
Հաջիևն ասել է, որ նույն ձևաչափում էին ընթացել արտգործնախարարների` Նյու Յորքում սեպտեմբերի 26-ին կայացած բանակցությունները, ինչպես նաև Բրյուսելում հուլիսին տեղի ունեցած հանդիպումը:
«Մենք այդ ամենը դրական ենք գնահատում: Ադրբեջանը պատրաստ է հայ -ադրբեջանական հակամարտության կարգավորմանը նպաստող կառուցողական բանակցություններին և շփումներին: Դա ևս մեկ անգամ վկայում է Ադրբեջանի հավատարմությունը ներկա ձևաչափով ծավալվող բանակցային գործընթացին», – հայտարարել է Ադրբեջանի նախագահի աշխատակազմի ներկայացուցիչը:
Հայաստանի վարչապետ Նիկոլ Փաշինյանը և Ադրբեջանի նախագահ Իլհամ Ալիևը հանդիպել են անցած շաբաթավերջին Դուշանբեում, որտեղ անցկացվում էր ԱՊՀ գագաթնաժողովը: Երկու երկրների ղեկավարների միջև մի շարք պայմանավորվածություններ են ձեռք բերվել, մասնավորապես՝ Հայաստան-Ադրբեջան սահմանին ու ղարաբաղյան շփման գծում լարվածությունը նվազեցնելու և միջադեպերը կանխելու վերաբերյալ:
azatutyun.am


Մեկնաբանություններ

Համընկնող լուրեր