Թմրավաճառ ներգաղթյալները հաշվեհարդար են տեսել աղջկա հետ
Հռոմում աֆրիկյան ծագում ունեցող երեք տղամարդու ձերբակալել են 16-ամյա Դեզիրե Մարիտոնիի սպանության կասկածանքով: Այս մասին գրում է The Local պարբերականը:26 և 43-ամյա երկու սենեգալցու բերման են ենթարկել հոկտեմբերի 25-ին: Հաջորդ օրը ոստիկանությունը ձերբակալել է երրորդ կասկածյալին՝ 40-ամյա նիգերիացուն: Նրանք կմեղադրվեն խմբակային բռնաբարության և թմրանյութեր տարածելու մեջ:
Երեքն էլ դատապարտված են եղել թմրավաճառության համար:
Հռոմի ոստիկանները փնտրում են առնվազն ևս մեկ կասկածյալի:
16-ամյա Մարիոտինիին մահացած են հայտնաբերել հոկտեմբերի 19-ի գիշերը, Սան Լորենցո շրջանի լքված շինությունում, արտակարգ ծառայություններ անանուն զանգից հետո: Իրավապահների կարծիքով՝ աղջկան թմրանյութերի միջոցով անգիտակից վիճակի են հասցրել և սեռական բռնության ենթարկել: Մահվան հստակ պատճաառը հայտնի չէ:
Քաղաքի բնակիչները ծաղիկներ և մոմեր են բերել շինության մոտ, որտեղ տեղի է ունեցել սպանությունը:
