ՀՀԿ խմբակցության մի քանի պատգամավորներ ևս միացան.Նիկոլ Փաշինյանն առաջադրվեց վարչապետի թեկնածու
ԱԺ «Ելք» և «Ծառուկյան» խմբակցությունները ՀՀ վարչապետի պաշտոնակատար Նիկոլ Փաշինյանիթեկնածությունը կրկին առաջադրել են վարչապետի պաշտոնում: Այս մասին հայտնեց «Ելք» խմբակցության ղեկավար Լենա Նազարյանը:«Քիչ առաջ առաջադրեցինք Նիկոլ Փաշինյանի թեկնածությունը»,-ասաց Նազարյանն ու հույս հայտնեց, որ մինչ վերջնաժամկետն այլ թեկնածուներ չեն առաջադրվի:
Նաիրա Զոհրաբյանն էլ տեղեկացրեց, որ վարչապետի թեկնածուի առաջադրման համար իրենց են միացել նաև ՀՀԿ խմբակցության մի քանի պատգամավորներ:
Վարչապետի թեկնածու առաջադրելու համար անհրաժեշտ էր պատգամավորների ընդհանուր թվի մեկ երրորդի աջակցությունը: Խորհրդարանն իրավունքի ուժով արձակվելու համար անհրաժեշտ է, որ երկրորդ փուլում ևս վարչապետ չընտրվի:
ՀՀ վարչապետի թեկնածուի առաջադրման վերջնաժամկետը հոկտեմբերի 30-ին է:
Վարչապետի ընտրության համար ԱԺ նիստը կմեկնարկի նոյեմբերի 1-ին՝ ժամը 12:00-ին:
