13:37 - Ինչպես օգտագործել թայմ-աութը.Գործող իշխանությունն ունի ընդամենը եւս 1-2 նման պոռթկման ռեսուրս         13:36 - «Համադասարանցիներ»սոց.կայքի օգտատերը շանտաժի միջոցով անչափահաս աղջկան հարկադրել է կատարել սեքսուալ բնույթի գործողություններ      13:35 - Քոչարյանն օգտվում է պաշտոնաթող նախագահի համար ՀՀ Սահմանադրությամբ նախատեսվա գործառութային անձեռնամխելության երաշխիքից.Դատարան    

02 նոյ 2018 20:50

Աղջիկը մարմնի 90 տոկոսի այրվածք է ստացել պենիցիլինից ալերգիկ ռեակցիայի պատճառով

Աղջիկը մարմնի 90 տոկոսի այրվածք է ստացել պենիցիլինից ալերգիկ ռեակցիայի պատճառով:
The Daily Mail-ը հայտնում է, որ 29-ամյա Քամիլ Լանիերը ստիպված էր բուժվելու համար հիվանդանոց ընդունվել, ընդ որում՝ աղջկա ամբողջ մարմինը վիրակապված էր՝ ոտքից մինչեւ գլուխ: Ալերգիկ ռեակցիան տարածվել էր ոչ միայն մաշկի վրա, այլ նաեւ լեզվի, շնչուղիների եւ սեռական օրգանների: Լանիերի ամբողջ մարմինը հիմա սպիներով է ծածկված:
Բժիշկները կարծում են, որ աղջկա մոտ եղել է տոքսիկ էպիդերմալ նեկրոլիզ (TEN), որը միլիոն մարդու մեջ մեկի մոտ է հանդիպում: TEN-ին հատուկ են մաշկային վնասվածքները ալ բծերի տեսքով, ընդ որում՝ դրանք արագ են զարգանում եւ վերափոխվում բշտերի: Այնուհետեւ առաջանում են էպիդերմիսի շերտազատման ընդարձակ հատվածներ:
Աղջկան մշտապես հսկել են, որ հիվանդությունը աչքերին չհասնի եւ նրան տեսողությունից չզրկի: Լանիերը մի քանի օր խոսել չի կարողացել: Բացի այդ, որոշակի ժամանակահատված աղջիկը չի կարողացել սեռական կյանքով ապրել ուժգին ցավերի պատճառով: Նրա խոստովանությամբ՝ ինքն իր յուրաքանչյուր օրը ընդունել է որպես վերջին:
Չնայած մաշկային փոփոխություններն անշրջելի են, աղջիկը չի հուսալքվում եւ սովորում է գնահատել իր կյանքի յուրաքանչյուր րոպեն: «Հիմա ես ինձ եւ իմ մարմինը սիրում եմ իր բոլոր թերություններով ու սպիներով: Ամեն օր ես հնարավորություն ունեմ տեսնելու մայրամուտը կամ մեկ գավաթ թեյ խմելու»,- ասում է նա:

Մեկնաբանություններ

Համընկնող լուրեր