17:00 - ԿԳՍՄ ճշմարտախոս նախարարին.Քահանան՝ Արայիկ Հարությունյանի հայտարարության մասին. Դատարկաբանություն է         16:34 - Ընդամենը մի հոգու կապրիզ.Ոստիկանությունն էնքան մելչնիկ է, որ աղջկա շփոթած նախադասությունից է կախվում      16:10 - Ջրում հայտնված երեխային փրկելու համար 10 անհետ կորածների հարազատները եկել են «մահվան լողափ»՝ հույսով, որ ծովը ափ կհանի մարմինները    

05 նոյ 2018 19:10

Գիտնականները հայտնել են ծերացումը դանդաղեցնող մթերքների մասին

Շոկոլադի, թեյի, սուրճի եւ գինու բաղադրության մեջ մտնող հիդրոխինոնները կանխում են օքսիդացման պրոցեսը եւ դանդաղեցնում ծերանալու գործընթացը: Էրլանգեն-Նյուրնբերգի համալսարանի (Գերմանիա) գիտնականների հետազոտության մեջ նշված է, որ այս արդյունքին հաջողվում է հասնել հիդրոխինոնները ցինկի հետ համադրելու դեպքում:
Ցինկի հատկությունների թվում է հիդրոխինոն խմբի ակտիվացումը, ինչն ապահովում է սուպերօքսիդից բնական պաշտպանությունը, որը մարդկային բջջի  շնչառության կողմնակի արտադրանք է, հայտնում է Phys.org-ը: Հենց նա է վնասում մարմնի սեփական բիոմոլեկուլները, որոնց մեջ են մտնում պրոտեիններն ու լիպիդները:
Ցինկի եւ հիդրոխինոնի «միացումը» նմանակում է սուպերօքսիդդիսմուտազի ֆերմենտը, որը օրգանիզմը պաշտպանում է դեգրադացիայի պրոցեսներից:
Գիտնականների կարծիքով՝ ապագայում, հաշվի առնելով հետազոտության արդյունքները, միանգամայն հնարավոր կլինի ցինկն ավելացնել հիդրոխինոն պարունակող մթերքների մեջ: Այսպիսով, բացառված չէ, որ երբեւէ սպառողներին հասանելի կլինեն ցինկ պարունակող գինիներ, սուրճ, թեյ կամ շոկոլադ: Ինչպես գիտնականներն են պնդում, այս մետաղը այնքան էլ տոքսիկ չէ, որքան կարծում էին նախկինում:

Մեկնաբանություններ

Համընկնող լուրեր