Երկու մարդ վարակվել է առնետների հեպատիտով
Հոնկոնգում հեպատիտ E-ով վարակման երկրորդ դեպքն է գրանցվել: Նախկինում հեպատիտի այդ տեսակով հիվանդանում էին միայն առնետները և դեռ անհայտ է, ինչքանով է այն վտանգավոր մարդու համար, գրում է The Guardian-ը:Վարակման առաջին դեպքը գրանցվել է լյարդի փոխպատվաստման ենթարկված 56-ամյա տղամարդու մոտ: Մարդու քրոնիկական հեպատիտ Е-ի բուժման համար օգտագործվող հակավիրուսային դեղամիջոցների ընդունումից հետո նա լրիվ առողջացել է:
Վարակման երկրորդ դեպքը հայտնաբերվել է 70-ամյա կնոջ մոտ: Հետաքրքիր է, որ երկու հիվանդները ապրում են իրարից 3 կմ հեռավորության վրա և երկուսն էլ դիմել են նույն հիվանդանոց մի քանի շաբաթվա տարբերությամբ:
