Երևանի Կենդանաբանական այգում կոկորդիլոս է սատկել
Երևանի Կենդանաբանական այգում այսօր կոկորդիլոս է սատկել, տեղեկացնում են այգու լրատվական ծառայությունից։«Առավոտյան կենդանաբանական այգու կոկորդիլոսներից մեկին գտել են սատկած: Թե որն է կենդանու անկման պատճառը, կհայտնենք դիահերձումից և համապատասխան լաբորատոր փորձաքննություններից հետո:
Այս պահին կենդանաբանական այգին ոչ մի լրացուցիչ տեղեկատվություն չի կարող տրամադրել», – ասված է այգու տարածած հաղորդագրությունում:
Հիշեցնենք, որ նոյեմբերի 13-ին Կենդանաբանական այգում սատկել էր զեբրը։ Լաբորատոր փորձաքննությունները ցույց էին տվել, որ կենդանուն թունավորել են մկնդղով։ Դեպքի վերաբերյալ հաղորդում էր տրվել ՀՀ ոստիկանություն։
