Մարդկությունը երբեք չի հաղթահարի քաղցկեղը․ գիտնականներ
Բժշկության ոլորտում Նոբելյան մրցանակի դափնեկիրներ ամերիկացի Ջեյմս Էլիսոնը և ճապոնացի Տասուկու Հոնձեն հայտարարել են, որ ապագայում մարդկությունը կարող է զգալի հաջողությունների հասնել քաղցկեղի բուժման ուղղությամբ, սակայն այն ամբողջովին հաղթահարելու հավանականությունը չափազանց փոքր է՝ գրում է medikforum.ru-ն։Հոկտեմբերին հայտնի դարձավ, որ այս գիտնականները իմունոթերապիայի ոլորտում՝ ուռուցքների դեմ պայքարում օրգանիզմի բնական պաշտպանական ուժերի ակտիվացման վերաբերյալ նրանց ուսումնասիրությունների համար կստանան աշխարհի ամենահեղինակավոր գիտական մրցանակը։
Մինչ օրս իմունոթերապիան համարվում է ուռուցքաբանության մեջ ամենահեռանկարային ուղղությունը։ Գիտնականները համոզված են, որ տասնամյակներ անց անբուժելի համարվող ուռուցքները կնահանջեն բժիշկների ջանքերի շնորհիվ, սակայն ամբողջովին հաղթահարել քաղցկեղը չի հաջողվի։
