18:23 - Աշխարհը պետք է չլռի.Փաշինյանն Էրդողանի ելույթը ծայրահեղ ատելության խոսք է անվանել         18:18 - ԱԺ աշխատակազմի ղեկավարի տեղակալը փորձել է ԱԺ մուտք գործել զենքո՞վ      17:57 - Տեսանյութ. Տեսախցիկն արձանագրել է Վայոց Ձորում ողբերգական ավտովթարի պահը. 31-ամյա վարորդը մահացել է    

12 դեկ 2018 18:18

Երբ Նիկոլ Փաշինյանը կդառնա ՀՀ վարչապետ

Արտահերթ խորհրդարանական ընտրությունների արդյունքում հայտնի դարձան խորհրդարանական քաղաքական ուժերը, ու չնայած ԿԸՀ-ն չի հրապարակել վերջնական արդյունքները, բայց ակնհայտ է, որ բողոքարկումներ չեն լինի, ու ամեն ինչ կընթանա նախատեսված ժամկետներում։ Սա նշանակում է, որ մինչև հաջորդ շաբաթ, Տիգրան Մուկուչյանի ղեկավարած կառույցը կհրապարակի ընտրությունների վերջնական արդյունքները, իսկ 7-րդ գումարման Ազգային ժողովի առաջին նիստը կլինի դեկտեմբերի 24-ին, քանի որ ԱԺ Կանոնակարգ օրենքի համաձայն՝ Ազգային ժողովի արտահերթ ընտրության դեպքում առաջին նստաշրջանը հրավիրվում է նորընտիր Ազգային ժողովի կազմավորումից հետո երկրորդ երկուշաբթի օրը, ժամը 10:00-ին։
Եթե ամեն ինչ ընթանա պլանավորածի պես, դեկտեմբերի 24-ին տեղի ունենա նիստը, և հենց այդ նույն օրը Նիկոլ Փաշինյանը կնշանակվի ՀՀ վարչապետ․ համաձայն ՀՀ Սահմանադրության 149-րդ հոդվածի 1-ին կետի՝ Հանրապետության նախագահը նորընտիր Ազգային ժողովի լիազորությունների ժամկետն սկսվելուց հետո անհապաղ վարչապետ է նշանակում Սահմանադրության 89-րդ հոդվածով սահմանված կարգով ձևավորված խորհրդարանական մեծամասնության ներկայացրած թեկնածուին:
Վարչապետը նշանակվելուց հետո 15-օրյա ժամկետում կձևավորի նոր կառավարությունը, որն էլ առավելագույնը 20 օրվա ընթացքում խորհրդարանին կներկայացնի իր գործունեության ծրագիրը։


Մեկնաբանություններ

Համընկնող լուրեր