Փաշինյանը՝ ուկրաինական հասարակական կազմակերպությունների քննադատության կիզակետում
Այն բանից հետո, երբ Հայաստանը ՄԱԿ-ի գլխավոր ասսամբլեայում դեմ է քվեարկել Ղրիմի հարցով հակառուսական պատժամիջոցների բանաձևին, ՀՀ վարչապետի պաշտոնակատար Նիկոլ Փաշինյանը հայտնվել է ուկրաինական հասարակական կազմակերպությունների քննադատության կիզակետում: Այս մասին գրում է rusarminfo-ն:Ուկրաինացի լրագրող Այդեր Մուջաբաևը հայտարարել է, որ չնայած Հայաստանում տեղի ունեցած հեղափոխությանը, Երևանը շարունակում է միջազգային հարթակներում աջակցել Ռուսաստանին:
Իր հերթին Ուկրաինայի Գերագույն ռադայի պատգամավոր Բորիսլավ Բերեզան նշել է՝ չնայած Հայաստանում տեղի ունցած իշխանափոխությանը, Ռուսաստանը շարունակում է մնալ Հայաստանում գլխավոր խաղացողը և լուրջ ազդեցություն ունի երկրի արտաքին քաղաքականության վրա:
Լրագրող Արկադի Բաբչենկոն էլ գրել է, որ Հայաստանը միշտ մնալու է պրոռուսական և պետք չէ հույսեր ունենալ հակառակի մասով:
Հավելենք, որ Հայաստանից բացի վերոնշյալ բանաձևին դեմ է քվեարկել ևս 18 պետություն:
