Մեկնարկել է «Վստրեչի Ապերի» գործով դատական նիստը.Գործով անցնում է նաև դերասանուհի Լուիզա Ղամբարյանը
Երևան քաղաքի ընդհանուր իրավասության դատարանում` դատավոր Մեսրոպ Մակյանի նախագահությամբ, մեկնարկել է «Վստրեչի Ապեր» մականունով հայտնի քրեական հեղինակություն Արամ Վարդանյանի գործով դատական նիստը։Գործով անցնում է նաև հայտնի դերասանուհի Լուիզա Ղամբարյանը, ով ունի վկայի կարգավիճակ:
Հունիսի 4-ին, ոստիկանության կազմակերպված հանցավորության դեմ պայքարի գլխավոր վարչությունում մի քաղաքացի հաղորդում էր տվել, որ 2017 թվականի հուլիսի 17-ին Նորագավիթ թաղամասում մի սուպերմարկետի մոտից «Վստրեչի ապեր» մականվամբ Արամ Վարդանյանը և մի խումբ անձինք, նախնական համաձայնությամբ, բռնություն գործադրելով առևանգել են իրեն, տեղափոխել Վարդանյանին պատկանող Արցախի փողոցի մի շինություն, տևական ժամանակ իր կամքին հակառակ պահել այնտեղ, ծեծի ենթարկել ու մարմնական վնասվածքներ պատճառել:
