Գողին մատնել են գարշահոտ ոտքերը
Չինաստանի Անհոյ նահանգի Վանչժի քաղաքում գողը բռնվել է ոտքերի ուժեղ գարշահոտի պատճառով, հայտնում է Daily Mail-ը:Տղամարդը փորձել է հյուրանոց մտնել, քանի դեռ մուտքին ոչ ոք չէր հետեւում: Նա կոշիկները հանել է անաղմուկ քայլելու համար, եւ ոտնաթաթերի վրա անցել է նախասրահով: Զգուշությունը չի օգնել. հյուրանոցի տերը նրա ոտքերի հոտը զգացել է մյուս սենյակից:
Նա դուրս է ցատկել նախասրահ եւ հետապնդել գողին, որը փախուստի է դիմել: Նրան հաջողել է հասնել կայանատեղիում: Կալանավորվելուց հետո կասկածյալը խոստովանել է, որ նույն օրը գողություններ է կատարել մի քանի հյուրանոցներից: Նրա խոսքով՝ նման քայլի է դիմել, քանի որ փողի կարիք ուներ:
