Ինչպես չգիրանալ ամանորյա տոներին

Բրիտանական բժշկական ամսագրում (British Medical Journal) հրապարակված ուսումնասիրությունների արդյունքները ցույց են տալիս, որ ամանորյա արձակուրդների ընթացքում հաճախ կշեռքին կանգնելը օգնում է ավելորդ կիլոգրամներ ձեռք չբերել։
Ուսումնասիրությունները ցույց են տալիս, որ քաշին պարբերաբար հետեւելն օգնում է, որպեսզի մարդիկ տեսնեն, որ սկսել են քաշ հավաքել ու դիմակայեն ուտելիքների չարաշահմանը։
Մասնագետները նշում են, որ Ամանորին մարդիկ միջինը 0,5-1 կիլոգրամ քաշ են հավաքում, սակայն տոներից հետո քչերն են կարողանում կրկին ազատվել հավաքած ավելորդ կգ-ներից։
Այս պատճառով մասնագետները խորհուրդ են տալիս տոների ընթացքում վերահսկել քաշը։