15:50 - Ջրում հայտնված երեխային փրկելու համար 10 անհետ կորածների հարազատները եկել են «մահվան լողափ»՝ հույսով, որ ծովը ափ կհանի մարմինները         15:32 - Նայե՛ք այս 2 դերասաններին.մեկն ասում է՝ արտակարգ դրությունը երկարացնեն, կարտագաղթի, մյուսը՝ միտինգ չի անում, տաքսի է վարում      15:30 - Թող հիշի, թե ինչ բացատրություն է գրել քննչականում ու լռի.նա պատրաստ է ոչնչացնել բոլորին, այդ թվում՝ Սերժին ու Միշիկին    

23 հուն 2019 16:30

Պարգևավճարները աշխատավարձի մաս են կազմում. վարչապետը պարզաբանել է

ՀՀ վարչապետ Նիկոլ Փաշինյանը Ֆեյսբուքի իր ուղիղ եթերի ժամանակ անդրադարձավ պարգեւավճարների շուրջ առաջացած աղմուկին:
Նա նշեց, որ պետական համակարգում պարգևավճարների տրամադրման խնդրի շուրջ քննարկումներում թյուրըմբռնում է տեսնում:
«Շատ լայնորեն քննարկվում է պետական կառավարման համակարգի պարգևավճարների թեման: Կա որոշակի թյուրըմբռնում: Պարգևավճարներն ու աշխատավարձերը վճարվում են պետական բյուջեով նախատեսված այն միջոցներից, որոնք նախատեսված են հենց աշխատավարձերի ու պարգևավճարների համար, և, ըստ էության, պարգևավճարները աշխատավարձի մաս են: Այդպիսի համակարգ է այսօր գործում ՀՀ-ում, և ամեն եռամսյակը մեկ պետական կառավարման համակարգի աշխատողների առնվազն մի մասը ստացել է պարգևավճարներ»,- ասաց վարչապետը:
Նիկոլ Փաշինյանի խոսքով` ինքը նույնպես նախկինում պարգևավճարներ ստացել է, իսկ վարչապետ դառնալուց հետո հրահանգել է այդ խնդրի վերաբերյալ ոչ մի վատացնող քայլ չձեռնարկել:
«Ես լինելով ԱԺ պատգամավոր՝ միշտ ստացել եմ 13-րդ աշխատավարձ կոչվածը: Իսկ, երբ ստանձնել եմ վարչապետի պաշտոնը, ասել եմ ոչ մի վատացնող բան չձեռնարկեք՝ մինչև աշխատավարձերի հետ կապված այս թնջուկը լուծենք»,- նշեց նա:
ՀՀ վարչապետի խոսքով` պարգևավճարների խնդիրը կապված է պետական համակարգում համատարած ցածր աշխատավարձերի հետ:
«Այսօր պետական կառավարման համակարգում բարձր որակավորում ունեցող կադրեր ներգրավելու մեծ խնդիր ունենք: Մարդիկ կան, որ որոշակի որակավորում ունեն, հրավիրում ենք նախարար աշխատելու, ասում են` մեր աշխատավարձի հետ համեմատելի աշխատավարձ կտաք, կգանք: Դեպքեր կան, երբ մարդիկ 5 մլն դրամով աշխատանքի են ընդունվել, որոշակի ֆինանսական պարտավորություններ են ստանձնել, և չեն կարող ընդհուպ նախարար աշխատել, որովհետև չեն կարողանա կատարել իրենց ֆինանսական պարտավորությունները»,- ասաց Նիկոլ Փաշինյանը:
Ինչ վերաբերում է մարզպետների իրենք իրենց պարգևատրելուն՝ Նիկոլ Փաշինյանն այս հանգամանքի մեջ արտասովոր բան չի տեսնում, որովհետև գործադիր մարմնի անդամներն են պարգևատրման որոշումներ կայացնում:

Մեկնաբանություններ

Համընկնող լուրեր