Առաջարկում եմ ստեղծել «Շաբաթվա անգրագետները» նախագիծը. Գուցե այս կերպ հնարավոր լինի զսպել անբովանդակ ելույթների տարափը
Մի գաղափար է ծնվել, չգիտեմ՝ ինչպես կընդունեք: Այս մասին Facebook-ի իր էջում գրել է ԲՀԿ խմբակցության պատգամավոր Գեւորգ Պետրոսյանը:
Նա, մասնավորապես, գրել է.
«Հեռուստաընկերություններից մեկում կարելի է ստեղծել «Շաբաթվա անգրագետները» խորագրով կարճամետրաժ հաղորդում, որով հրապարակվեն նախորդ շաբաթվա ընթացքում հրապարակայնորեն հնչեցված քաղաքական ամենաանգրագետ երեք ելույթները՝ համապատասխանաբար՝ 1-ին, 2-րդ եւ 3–րդ պատվանդաններով:
Գուցե այս կերպ հնարավոր լինի զսպել քաղաքական ու քաղաքագիտական խելահեղությունների, ահասարսուռ արտաքինով եթեր ներխուժած տկար գործիչների անպտուղ դատողությունների եւ պետական մտածողության հիմքերը խարխլող անբովանդակ ելույթների տարափը։