Ինչո՞ւ է Բոլթոնը Ալիեւի հետ քննարկել ԼՂ հիմնախնդիրը, իսկ Փաշինյանի հետ՝ ոչ
ԱՄՆ նախագահի անվտանգության հարցերով խորհրդական Ջոն Բոլթոնը Twitter-ի իր միկրոբլոգում ներկայացրել է Ադրբեջանի նախագահ Իլհամ Ալիևի հետ հեռախոսազրույցի մանրամասները:«Այսօր ես զրուցել են Ադրբեջանի նախագահ Ալիևի հետ: Մենք քննարկել ենք բազմաթիվ հարցեր, որոնք երկկողմ հետաքրքրություն են ներկայացնում, այդ թվում և էներգետիկ անվտանգության, անվտանգության ոլորտում համագործակցության և ղարաբաղյան հակամարտության կարգավորման հարցում ԱՄՆ աջակցության մասով», - գրել է Բոլթոնը:
Հատկանշական է, որ օրեր առաջ Բոլթոնը հեռախոսազրույց էր ունեցել ՀՀ վարչապետ Նիկոլ Փաշինյանի հետ, սակայն ի տարբերություն Ալիեւ հետ խոսակցության, Հայաստանի առաջնորդի հետ չէր քննարկել Արցախի հարցը:
«Հեռախոսազրույց ունեցա ԱՄՆ նախագահի ազգային անվտանգության հարցերով խորհրդական Ջոն Բոլթոնի հետ: Քննարկեցինք տարածաշրջանային իրավիճակին եւ երկկողմ հարաբերություններին վերաբերվող հարցեր», - իր Facebook-յան էջում գրել էր Փաշինյանն ու հետգրությամբ հավելել. «Հ.Գ. Արցախի հարցին անդրադարձ չի եղել»:
