Բաքուն ևս մեկ «հաղթանակ» է ուզում.Ադրբեջանի Նավթադոլարները սպառվում են,Էրդողանին պետք էվճարի պատերազմի ժամանակ աջակցության համար          Անբուժելի քաղցկեղի դեմ պայքարի միջոց է առաջարկվել,ովքեր ունեն կրծքագեղձի եռակի բացասական քաղցկեղի ամենավատ ձևը       Այո, Փաշինյանը «վախ է ծախում», բայց մենք նրա այդ «ապրանքի» գնորդը չենք.«Փաստ»    

04 փետ 2019 12:10

Բռնաճնշումներ են սկսել հայկական լրատվամիջոցների դեմ.արգելափակվել են հայկական մի շարք կայքեր

Բռնաճնշումներ են սկսել հայկական լրատվամիջոցների դեմ.արգելափակվել են հայկական մի շարք  կայքերՕրեր առաջ տեղեկացրել էինք, որ «Ռոսկոմնադզոր»-ը նամակ էր ուղարկել MAMUL.am-ին` տեղեկացնելով, որ ռուսաստանաբնակ, ՀՀ ԱԳ նախկին նախարարի դիվանագիտական հիմունքներով խորհրդական, քրեական աշխարհում հայտնի Ռոբսոնը (Ռուբեն Թաթուլյան) դիմել է Ռուսաստանի դատարան, դատի տվել հայկական մի շարք լրատվամիջոցների, այդ թվում` MAMUL.am-ին և պահանջել արգելափակել դրանք Ռուսաստանի տարածքում: Ռուսաստանի դատարանը, անհասկանալի պայմաններում, որոշում է կայացրել, որ նշված անձի մասին հայկական լրատվամիջոցներում հրապարակված նյութերը խախտում են անձնական տվյալների գործածումը (համաձայն ռուսական օրենսդրության) և պահանջել հայկական մի շարք լրատվամիջոցներից հեռացնել նշված նյութը՝ մերժման դեպքում սպառնալով արգելափակել ոչ թե տվյալ նյութը, այլ լրատվամիջոց` Ռուսաստանի տարածքում: Հատկանշական է, որ լրատվամիջոցները չեն ստացել դատարանի որոշման պատճե, իսկ վճռի բովանդակությունն անհայտ է:
     Այսպիսով ս/թ հունվարի 24-30-նն ընկած ժամանակահատվածում «Ռոսկոմնադզոր»-ի կողմից Ռուսաստանի տարածքում արգելափակվել են MAMUL.am, Azatutyun.am, Hetq.am, Armtimes.com, Lragir.am, 1in.am, Shame.am, Aravot.am կայքերը (ամբողջական ցանկը): Հատկանշական է, որ արգելափակված կայքերի ցանկում է եղել նաև armeniasputnik.am-ը, որը, արգելափակումից հետո անմիջապես հեռացրել է Ռոբսոնի մասին նյութը և այն վերաբացվել է:
Եվս մեկ ուշագրավ հանգամանք է այն, որ արգելափակված կայքերի ցանկում չկան ՀՀ նախկին իշխանությունների հետ ինչ որ կերպ կապակցված լրատվական կայքեր:
Հիշեցնենք մեր ընթերցողին, որ անկախ «Ռոսկոմնադզոր»-ի կիրառած սահմանափակումների, MAMUL.am լրատվականը գործածում է մուտքի կոդավորված բազմաֆունկցիոնալ տեխնոլոգիաներ, որի շնորհիվ կայքը լիարժեք աշխատում է և կաշխատի ՌԴ ողջ տարածքում:

Մեկնաբանություններ


Համընկնող լուրեր