Տեսանյութ.Խավարման կարգ` ի հիշատակ Քրիստոսի մատնության և չարչարանքների          Մարտի 29-ին կդադարեցվի հետևյալ հասցեների ջրամատակարարումը       Տեսանյութ.Ավագ Հինգշաբթի՝ Սուրբ Հաղորդության խորհրդի հաստատում, Խորհրդավոր ընթրիք    

14 փետ 2019 14:44

Երևանում առաջին քաղբանտարկյալը հայտնվեց. չնայած որ նա դեռ քննության տակ է.Комсомольская правда

Երևանում առաջին քաղբանտարկյալը հայտնվեց, չնայած որ նա դեռ քննության տակ է։ Այսպես են շատ փորձագետներ գնահատում Հայաստանի նախկին նախագահ Ռոբերտ Քոչարյանին քրեակատարողական հիմնարկում պահելը։ Այս մասին գրում է Комсомольская правда-ն։
 Քոչարյանի՝ 2008 թվականի մարտի հայտնի իրադարձությունների ժամանակ իրականացրած գործողությունները սկսեցին որակավորել որպես սահմանադրական կարգի տապալում, չնայած որ Լեռնային Ղարաբաղի առաջին և ՀՀ երկրորդ նախագահն իր գործողություններով հենց սահմանադրական կարգն էր փորձում պահպանել։
2018թ․ հուլիսի 28-ին ձերբակալված Քոչարյանին դատարանն ազատ արձակեց օգոստոսի 13-ին, սակայն դեկտեմբերին նախկին նախագահը կրկին կալանավորվեց։ Իսկ օրերս նրան նոր մեղադրանք առաջադրեցին՝ կաշառք վերցնելու հոդվածով, որն իբրև թե նա ստացել է նույն 2008 թվականին ինչ-որ կին գործարարից, որպեսզի նա «չխանգարի» գործարարի՝ արաբների հետ առևտրին։
Փաշինյանի՝ իշխանության գալով նախկին իրադարձությունների մեկնաբանությունները փոխվեցին 180 աստիճանով, և սկսվեցին նախկին իշխանությունների հանդեպ հետապնդումները։ Բացառված չէ, որ որոշ ժամանակ անց՝ Փաշինյանի վարկանիշն ընկնելուն պես, կտրուկ կբարձրանա նախկին իշխանությունների, և առաջին հերթին՝ Ռոբերտ Քոչարյանի վարկանիշը։ Այս մասին ռուսական լրատվամիջոցին հայտնել է քաղաքագետ, «Պոլիտէկոնոմիա» հետազոտական ինստիտուտի տնօրեն Անդրանիկ Թևանյանը։

 Իր դիտարկումը փորձագետը բացատրում է այսպես.
«Հայաստանի վարչապետը 2008 թվականին ծայրահեղ արմատական դիրքերից էր հանդես գալիս, ավելին, այդ իրադարձությունների ակտիվ մասնակիցն էր, ինչի համար էլ նախկին իշխանությունների օրոք դատապարտվեց ազատազրկման, իսկ մեկուկես տարի ազատազրկված մնալուց հետո նրան ներում շնորհվեց։ Ինչ վերաբերում է Քոչարյանի մեղադրանքին, ապա այն արդեն կազմալուծման փուլում է, քանի որ այդ մեղադրանքների աբսուրդային լինելն ակնհայտ է։ Դրա համար էլ իշխանությունները որոշեցին իրենց համար նոր մեղադրանքներ պաշարել։ Սակայն պարզվեց, որ այն նույնպես թույլ հիմքեր ունի, քանի որ նույնիսկ գլխավոր գործող անձն այսօր հայտնեց, որ երբեք չի ասել, թե կաշառք է տվել Քոչարյանին»։

Մեկնաբանություններ


Համընկնող լուրեր