Առաջարկ՝ սուբվենցիաների տրամադրման կարգի մեջ կատարել փոփոխություններ
Բաց
նամակ ՀՀ տարածքային կառավարման և զարգացման նախար Սուրեն Պապիկյանին
ՀՀ պետական բյուջեից համայնքներին սուբվենցիաների տրամադրման կարգի ուսումնասիրությունից պարզվում է, որ որոշ համայնքներ օբյեկտիվ պատճառներով չեն կարողանում օգտվել այդ հնարավորությունից: Պատճառն այն է, որ 1 մլրդ դրամ և ավելի համայնքային բյուջե ունեցող համայնքների դեպքում յուրաքանչյուր ծրագրի իրականացման համար ընթացիկ տարվա համայնքի ֆոնդային բյուջեից 50 մլն դրամ և ավելի համաֆինանսավորվող հայտերն են միայն ընդունվում:
Նշենք նաև, որ ՀՀ շատ համայնքների ֆոնդային բյուջեյի եկամուտները չեն գերազանցում տարեկան 20-35 մլն դրամը՝ պատճառը օտարման ենթակա միջոցների սակավությունն է և դրանց նկատմամբ պահանջարկի բացակայությունը:
Հաշվի առնելով, որ մեր կառավարությունը մեծ ուշադրություն է դարձնում տարածքային համաչափ զարգացմանը, առաջարկում ենք սուբվենցիաների տրամադրման կարգի մեջ կատարել փոփոխություններ՝ մասնավորոպես վերանայել հաստատված կարգի 3-րդ կետի, 4-րդ ենթակետը և համայնքների համաֆինանսավորման նվազագույն շեմը սահմանել հաշվի առնելով համայնքի ֆոնդային բյուջեյի վերջին հինգ տարիների մուտքերի վերլուծությունը:
Նոր Չարենցավան նոր համայնք
նախաձեռնող խումբ
