18:53 - Քայլերթ Երևանում՝ ի պաշտպանություն Ամուլսարի. Տեսանյութ         17:20 - Նախորդ շաբաթ հակառակորդը հրադադարի ռեժիմը խախտել է 130 անգամ՝ արձակելով շուրջ 1500 կրակոց      16:57 - «Մալաթիա մոլ»-ում բռնկված հրդեհի հետեւանքով տուժածներ կան. դեպքի վայրում է Սամվել Ալեքսանյանը. Տեսանյութ    

28 փետ 2019 16:07

Քաղցկեղի հազվագյուտ եւ շատ ագրեսիվ տեսակ.կինը քաղցկեղի ախատանշանները հղիության հետ է շփոթել

Քաղցկեղի հազվագյուտ եւ շատ ագրեսիվ տեսակ.կինը քաղցկեղի ախատանշանները հղիության հետ է շփոթելԱվստրալիայի Մելբուռն քաղաքից 36-ամյա Սիրին Սթիլը կարծել է, թե հղի է: Իրականում նրա մոտ ձվարանների քաղցկեղ էր:
Երբ Սիրինը փորի մեջ շարժում է զգացել, որոշել է, որ երեխայի է սպասում: Նա հիշել է, որ վերջին շրջանում սովորականից ավելի հաճախակի է զուգարան գնացել, մշտապես հոգնածություն է զգացել եւ տառապել է փորի փքվածությունից: Դրանք կարող էին հղիության նշաններ լինել:
Հաջորդ օրը նա բժշկի է դիմել: Սակայն ՈՒՁ հետազոտությամբ ոչ թե հղիություն է հայտնաբերվել, այլ ձվարանի՝ 13 սմ տրամագծով ուռուցք: Հենց ուռուցքն էր նրա տկարության պատճառը: Ախտորոշումը հաստատել են արյան անալիզը եւ համակարգչային տոմոգրաֆիան:
Մեկ շաբաթ հետո կնոջը վիրահատել են: Այս ընթացքում ուռուցքը մեծացել է 5 սմ-ով: Բժիշկները եկել են այն եզրակացության, որ սա քաղցկեղի հազվագյուտ եւ շատ ագրեսիվ տեսակ է: Ավստրալիայում դրան բախվում է ձվարանների քաղցկեղով կանանց մոտ 4 տոկոսը:
Երկրորդ վիրահատությունից եւ 4-ամսյա քիմիաթերապիայից հետո հաջողվել է ուռուցքը վերացնել: Մասնագետների խոսքով՝ Սիրինին փրկել է այն, որ ժամանակին է դիմել բժշկի: Հաշվի առնելով այն հանգամանքը, թե ուռուցքը որքան արագ էր զարգանում, նույնիսկ աննշան դանդաղումը կարող էր նրա համար կյանքի գին ունենալ:
«Այս քաղցկեղը դժվար է ախտորոշվում,- պատմել է Սիրինը: - Կանանցից շատերը այն չեն նկատում մինչեւ վերջին փուլը, երբ արդեն չափազանց ուշ է»:

Մեկնաբանություններ

Համընկնող լուրեր