Ինչպես կարող են Երևանի իշխանություններն իրենց երկիրն անվտանգ համարել, երբ նրա տարածքի որոշ հատվածներ արդեն օկուպացված են ադրբեջանցիների կողմից          Գեղարքունիքի մարզում հայրը կասկածվում է իր անչափահաս դստերը հաճախակի ծեծի ենթարկելու մեջ և փորձել է սեռական հարաբերություն ունենալ նրա հետ       Պարզվել է վանաձորցի 20-ամյա հղի կնոջ մահվան պատճառը    

02 մար 2019 17:28

Էժանագին մանիպուլյացիա.Կալիֆոռնիայի հայ համայնքը կոչ է անում անհապաղ ազատ արձակել Ռոբերտ Քոչարյանին

Էժանագին մանիպուլյացիա.Կալիֆոռնիայի հայ համայնքը կոչ է անում անհապաղ ազատ արձակել Ռոբերտ ՔոչարյանինՎերջին երկու օրերի ընթացքում սոցիալական ցանցերում անընդհատ շրջանառվող լուրը, ինչպես նաև այդ կապակցությամբ տարբեր անհատներից հնչած տարակուսանքն ինձ ստիպեցին անդրադառնալ սույն խնդրին:
«Քաղաքացիական հարթակ» անունով ֆեյսբուքյան էջը, ի դեպ, որի «պատկանելության» մասին ամբողջական պատկերացում կարող եք կազմել, ընդամենը մի քանի վայրկյանով այցելելով այդ էջը, փետրվարի 28-ին հետևյալ վերտառությամբ գրառում է արել.


«Կեցցե՛, Կալիֆորնիայի հայ համայնքը։ Այս հոդվածը տպագրվել է "California Courier” հեղինակավոր թերթում, որում մասնավորապես նշվում է Հայաստանում ստեղծված բարդ աշխարհաքաղաքական իրավիճակի մասին, որի հանգուցալուծումը տեսնում են միայն ապօրինի կալանավորված նախագահ Ռոբերտ Քոչարյանի ազատմամբ և կոչ են անում անհապաղ ազատ արձակել նրան»:

Ուղիղ մեկ ժամ անց մի խումբ լրատվական կայքեր, մեկը մյուսին հերթ չտալով, ճիշտ նույն վերնագրով, այն է՝ «Կալիֆոռնիայի հայ համայնքը կոչ է անում անհապաղ ազատ արձակել Ռոբերտ Քոչարյանին», ու ճիշտ նույն բովանդակությամբ սկսեցին տարածել սենսացիոն լուրը:
Քիչ առաջ զանգահարեցի The California Courier թերթի հիմնադիր Հարութ Սասունյանին՝ հասկանալու համար՝ արդյոք նման հոդված տպվել է, թե ոչ: Վերջինս ինձ հայտնեց, որ թերթի փիլիսոփայությունն է պահանջում հարթակ տրամադրել բոլորին, քանի որ իրենք կարևորում են խոսքի ազատությունն ու բազմակարծությունը: Ինքը Սասունյանը նշեց, որ The California Courier-ում անգամ իրեն քննադատող հոդվածներ կարելի է գտնել: Սակայն, միևնույն ժամանակ, նա հավաստիացրեց, որ հրապարակումը չի արտահայտում ոչ Կալիֆոռնիայի հայերի, ոչ էլ իր տեսակետը, ընդ որում, հոդվածագիրը նույնիսկ չի էլ բնակվում ամերիկյան այդ նահանգում:
Հոդվածում ոչ միայն խոսք չկա առ այն, որ վերոնշյալ հայտարարությունն արվում է Կալիֆոռնիայի հայ համայնքի անունից, այլև հոդվածի ամենաստորին հատվածում անգլերենով գրված է՝ Sponsored by a Concerned Diaspora Armenian, որը թարգմանաբար նշանակում է «Մի մտահոգ սփյուռքահայի հովանավորությամբ», իմա՝ հոդվածը տպագրվել է գովազդային հիմունքներով՝ մեկ մարդու կողմից:
Հետևաբար, հայտնի հոսանքներին հարող կամ ուղղակիորեն պատկանող լրատվամիջոցները խեղաթյուրել են կատարվածը՝ էժանագին մանիպուլյացիայի դիմելով: Այս արկածախնդիրներին ստիպված եմ ասել՝ ձեռքերդ հեռու Սփյուռքից։
Օգտվելով առիթից՝ ևս մեկ անգամ կարևոր եմ համարում ընդգծել, որ չկա որևէ անհատ, որը կկարողանա խոսել Կալիֆոռնիայի հայ համայնքի անունից, ավելին՝ այսօր չկա մի այնպիսի կազմակերպություն, որն ամբողջ Կալիֆոռնիայի հայ համայնքի անունից խոսելու մանդատ ունի:
ԱԺ Իմ քայլը խմբակցության պատգամավոր Մխիթար Հայրապետյան

Մեկնաբանություններ


Համընկնող լուրեր