10:55 - Որևէ դատավոր հրաժարական չի տալու, մինչև...Իշխանության խոսքը ոչ միշտ է գործի վերածվում.«Ժողովուրդ»         10:46 - «Իմ քայլում» դժգոհություն կա Փաշինյանից. Որքան նրա վարկանիշն ընկնում է՝նավից հեռացողներն ստվարանում են.«Իրատես»      10:22 - Գլխից են բռնել.հաշված օրեր են մնացել՝ հրաժեշտ տալու աթոռին. «Ժողովուրդ»    

16 մար 2019 17:39

Տղե՛րք,մենք երեկ դա չէինք կարող անել, այսօր հնարավոր է դա անել, եկե՛ք փորձենք

Եթե այսպիսի կարեւոր քաղաքաշինական փոփոխությունները բերելու են նրան, որ մեծագույն հաղթանակը, որ եղավ հեղափոխության ժամանակ, այդ միաձուլումը, մերձեցումը, ընդհանուր այդ սիրո զգացողությունը, եթե սկսի այսպիսի թեմաների պատճառով քանդվել, դա ինձ համար կլինի ողբերգություն: Այս մասին այսօր՝ մարտի 16-ին, Երեւանի հատակագծի հեղինակ Ալեքսանդր Թամանյանի ծննդյան առիթով Կոմիտասի անվան պանթեոն այցելության ժամանակ լրագրողների հետ զրույցում նշել է Երեւանի գլխավոր ճարտարապետ Արթուր Մեսչյանը՝ անդրադառնալով Օբերայի հարակից տարածքում սրճարանների ապամոնտաժման խնդրին:
«Ես կարծում եմ, որ ուժեր կան, որոնք փորձում են դա անել եւ, մեր մեջ ասած, դա մի քիչ ազնիվ չի, չի կարելի էդպիսի բաներ անել:  Իսկ այն, որ Օպերան պետք էր մի քիչ վզին սեղմված օղակից ազատել, չգիտեմ մի երեւանցի, որ այդ հարցում կկասկածի»,-ասաց Մեսչյանը:

Նրա խոսքով, ցավալի է, իհարկե, քանդելը. «Բայց եթե մի բան քանդվում է, ու այդ քանդվելու դիմաց ինչ-որ մի բան է ստացվում, ինչի՞ չէ, տղե՛րք, եկե՛ք փորձենք էլի, շանս կա, չէ՞: Մենք երեկ դա չէինք կարող անել, այսօր հնարավոր է դա անել, եկե՛ք անենք»,-ասաց գլխավոր ճարտարապետը:
Նրա կարծիքով՝ բոլոր հարցերը կլուծվեն, եւ սրճարանների՝ բողոքի ակցիա իրականացնող աշխատակիցներն էլ աշխատանքի կտեղավորվեն. «Նույնիսկ թաղապետարանն այսօր զբաղվում է նրանց աշխատանքի տեղավորելու հարցով: Տենց բան երբեւէ պատմության մեջ տեսե՞լ եք: Այսինքն, հնարավորին չափ փորձում ենք անցավ լինի այդ ամեն ինչը: Նորից ուզում եմ կրկնեմ մի բան, որ շատ կարեւոր է: Մեծ քաղաքաշինական փոփոխությունները Երեւանում քաղաքապետարանի քմահաճույքը չէ, դա երեւանցիների պատվերն է: Եկեք երեւանցիների պատվերը կատարենք եւ եկեք մի քիչ երեւանցիներին հարգենք»,- ընդգծեց Մեսչյանը:

Մեկնաբանություններ

Համընկնող լուրեր