Տեսանյութ.Երգիչ Մհեր Արմենիան Շուռնուխից ոտքով գալիս է Երևան. պահանջում է Փաշինյանի հրաժարականը          «Արեք դա հանուն առաջնագծում իր կյանքի գնով մեր խաղաղության համար պայքարող տղերքի». Արմեն Մուրադյանը խնդրանքով դիմել է կանանց       Սրանք թուրքական խաղաղասիրությամբ ծանր հիվանդ են, այդպիսի հիվանդները չեն բուժվում, մեռնում են    

20 մար 2019 14:48

Պատերազմի դեպքում ուղղությունը լինելու է ոչ միայն Արցախը, այլև Հայաստանի սահմանը

Ադրբեջանի նախագահ Իլհամ Ալիևը շնորհավորել է հայրենակիցներին Նովրուզի տոնի առթիվ իր ուղղված շնորհավորական ուղերձում անդրադարձել է Ղարաբաղյան հակամարտության կարգավորման խնդրին:
Մասնավորապես նա հայտարարել է, որ Ադրբեջանի դիրքորոշումն անփոփոխ է և հակամարտության շուտափույթ կարգավորումը պետք է հիմնված լինի միայն միջազգային իրավունքի նորմերի ու սկզբունքների վրա:

Անդրադառնալով բանակցային նախկին ձևաչափին վերադառնալու մասին ՀՀ վարչապետ Նիկոլ Փաշինյանի հայտարարությանը, Ալիևը հայտարարել է, թե Ղարաբաղյան հակամարտության կարգավորման բանակցային ձևաչափի փոփոխությունն անընդունելի է Ադրբեջանի համար:
Միաժամանակ նա հիշեցրել է ԵԱՀԿ Մինսկի խմբի համախանագահների վերջին հայտարարությունը, համաձայն որի՝ բանակցային ձևաչափը պետք է անփոփոխ մնա:
«Ադրբեջանը շարունակելու է հզորացնել ռազմական հզորությունը»,- հայտարարել է Ալիևը՝ ընդգծելով, թե ադրբեջանական բանակը համալրվում է «ամենաժամանակակից տեխնիկայով»:

Ըստ քաղաքագետ Արմեն Բաղդասարյանի՝Հայաստանի դիրքորոշումը շատ հստակ է՝ չի ասում, թե Արցախը չպիտի լինի Ադրբեջանի կազմում, ասում է՝ Արցախը պետք է Ադրբեջանի հետ այդ հարցով բանակցի: Հայաստանի միակ դերակատարումն է թույլ չտալ, որ միջազգային հանրությունը պարտադրի Արցախին, այսինքն՝ Արցախի անվտանգության երաշխավոր լինելն է, և ոչ թե նրա անունից բանակցելը: «Ադրբեջանը երբեք չի թաքցրել իր ագրեսիվ մտադրությունները, չի թաքցրել խնդիրը ռազմական ճանապարհով լուծելու իր ցանկությունը: Վտանգ միշտ կա. չեմ կարծում՝ ինչ-որ զորամասի տեղակայումը բան է փոխում: Հայաստանի իշխանությունները պետք է ուղղակի հաշվի առնեն դա, և համարժեք քայլեր ձեռնարկեն՝ միշտ աչքի առաջ ունենալով, որ եթե մեծ պատերազմ սկսվի, ապա հարվածի ուղղությունը լինելու է ոչ միայն Արցախը, այլև Հայաստանի սահմանը: Իսկ զորամասի տեղակայմանը մեծ կարևորություն տալ պետք չէ»:

Մեկնաբանություններ

Համընկնող լուրեր