13:47 - Քաղաքապետարանի ամբողջ անձնակազմը կստանա եռամսյակային պարգևավճարներ,հետո՝ աշխատավարձերի բարձրացում         13:25 - Նորածին երեխային, որի պոչուկին հենց իր չափով ուռուցք կար՝ հաջողվեց փրկել      13:03 - Ավազակային հարձակում գործելու համար մեղադրվում են Վրաստանից ժամանած հայ երիտասարդներ    

20 մար 2019 18:10

Տեսանյութ. Հայաստանի տնտեսական համակարգը շարունակում է նպաստել հարուստների հարստացմանը

Տեսանյութ. Հայաստանի տնտեսական համակարգը շարունակում է նպաստել հարուստների հարստացմանըՀայացք մամուլի ակումբում «Բարեկեցիկ հայեր» նախաձեռնության ղեկավար Էռնեստ Ղազարյանը և «Տնտեսական իրավունքի կենտրոն» ՀԿ նախագահ Մովսես Արիստակեսյանը խոսեցին ՀՀ տնտեսական ներկա իրավիճակի, ինչպես նաև Հարկային և այլ օրենքների փոփոխությունների մասին:
 
Մովսես Արիստակեսյանը նշեց, որ  տնտեսական հեղափոխության իրականացման համար գլխավոր խոչընդոտներից մեկը առկա ֆինանսական համակարգն է. «Այս համակարգը հանգեցրել է նրան, որ այսօր քաղաքացիները հնարավորություն չունեն Նիկոլ Փաշինյանին օգնել տնտեսական հեղափոխություն իրականացնել: Մեծ խնդիր է նաև վարչապետի շրջապատը, որը տնտեսության համար աղետաբեր հարկային փոփոխություններ է առաջարկում: Հավասարաչափ հարկման համակարգը կհանգեցնի նրան, որ Հայաստանի ամենաապահով քաղաքացիների փոխարեն, որոնց թիվը տատանվում է 1700-2000-ի շրջանում, ստիպված կլինեն վճարել այլ մարդիկ: Այդ փոփոխությունների արդյունքում բյուջեն մոտ 27 մլրդ դրամ չի ստանա», ասաց Մովսես Արիստակեսյանը:
 
Էռնեստ Ղազարյանն էլ նկատեց, որ իրավիճակը փոխելու իշխանությունների փորձը դեռևս շոշափելի արդյունքներ չի բերել. «Խոչընդոտներից մեկը բանկային համակարգն է: Մասնավորապես անընդունելի են գրավատների հարկման ոլորտի փոփոխությունները, որի համաձայն վերջիններս տասնյակ անգամ ավելի շատ են վճարելու, քան հիմա: Ընդ որում, այս փոփոխությունները առավելություններ են տալիս վարկային կազամկերպություններին և բանկերին»,-ասաց Էռնեստ Ղազարյանը, հավելելով, որ Հայաստանի տնտեսական համակարգը շարունակում է նպաստել հարուստների հարստացմանը:

Մեկնաբանություններ

Համընկնող լուրեր