Նոր Զելանդիայի վարչապետը Թվիթերով սպառնալիքներ է ստացել
Նոր Զելանդիայի ոստիկանությունը հետաքննում է այն սպառնալիքները, որոնք ուղղվել են վարչապետ Ջասինդա Արդերնին Թվիեթերով։Արդերնին Թվիթերով հաղորդագրություն է ուղարկվել՝ ատրճանակի լուսանկարով և «Դու հաջորդն ես» գրառմամբ։ Հաղորդվում է, որ ուղարկողի հաշիվն արգելափակվել է այսօր՝ հաղորդագրությունն ուղարկելուց 48 ժամ անց։ Բացի այդ, նմանատիպ ևս մեկ գրառում և լուսանկար է հայտնաբերել։
Անցած ուրբաթ Նոր Զելանդիայում մզկիթների վրա հարձակում էր եղել, արդյունքում զոհվել էր 50 մարդ, ևս 50 տուժել էին։ Վարչապետը տեղի ունեցածն որակել է ահաբեկչություն։ Հանցագործության մեջ մեղադրվում է 28-ամյա ավստրալացի Բրենթոն Թարանթը։
