13:47 - Քաղաքապետարանի ամբողջ անձնակազմը կստանա եռամսյակային պարգևավճարներ,հետո՝ աշխատավարձերի բարձրացում         13:25 - Նորածին երեխային, որի պոչուկին հենց իր չափով ուռուցք կար՝ հաջողվեց փրկել      13:03 - Ավազակային հարձակում գործելու համար մեղադրվում են Վրաստանից ժամանած հայ երիտասարդներ    

23 մար 2019 11:41

Տեսանյութ. Բարկացավ՝ տեսնելով շրջապատի աղբը. Նիկոլ Փաշինյանը ծխախոտի մնացուկ է հավաքում

 Տեսանյութ. Բարկացավ՝  տեսնելով շրջապատի աղբը. Նիկոլ Փաշինյանը ծխախոտի մնացուկ է հավաքում
ՀՀ վարչապետ Նիկոլ Փաշինյանը վաղ առավոտից մասնակցում է իր իսկ կողմից հայտարարած շաբաթօրյակին՝ մաքրության գործում իր ներդրումն ունենալով Սոս Սարգսյանի անվան թատրոնի շինարարության տարածքում: Հարկ է նշել, որ այսօր տեղի է ունենալու թատրոնի հիմնարկեքի արարողությունը: Սակայն, երբ Փաշինյանը տեսավ շրջապատի աղբը, բարկացավ, նկատողություն արեց պատասխանատուներին, ապա սկսեց մաքրել տարածքը:

«Թորոսյան Արսեն, որ այդքան ասում է՝ արգելեք ծխելը, հիմա նայում է ու ասում՝ այ ըտենց, դե հավաքի, բա որ ասում եմ»,-կատակով նշեց վարչապետը՝ ցույց տալով ծխախոտի մնացուկները, որոնք հավաքում էր:

Դիտարկմանը, որ ինքը դեմ է եղել ծխախոտի գնի բարձրացմանը, վարչապետը նշեց. «Ոչ, ծխախտոի գինն արդեն բարձրանալու է, տեմպի մասին է խոսքը: Թորոսյանն ասում է, որ պետք է արագ բարձրանա, իսկ ես ասում եմ, որ աստիճանական անենք»:
ՀՀ վարչապետ Նիկոլ Փաշինյանը շարունակում է մասնակցել շաբաթօրյակին: Երկրի ղեկավարն այսօր պետք է մեկներ մարզ, սակայն մինչ այդ պետք է մասնակցեր Սոս Սարգսյանի անվան թատրոնի հիմնարկեքին: Հիմնարկեքը հետաձգվում է, քանի որ վարչապետը, տեսնելով տարածքի աղբը, նախ բարկացավ պատասխանատուների վրա, ապա ձեռքը վերցրեց ավելը և սկսեց մաքրել տարածքը, ապա սկսեց մաքրել ամբողջ շինարարության տարածքը: Վարչապետին ուղեկցում է Երևանի քաղաքապետ Հայկ Մարությանը, իսկ քիչր առաջ միացավ նաև Աննա Հակոբյանը:

Բացի մաքրությունից, վարչապետն ուշադրություն հրավիրեց նաև շինությունը օղակի մեջ վերցնող ժապավենի վրա՝ անթույլատրելի համարելով որոշ բաներ. «Սա ի՞նչ է, սա ո՞ր երկիրն է, 60 անգամ օգտագործած է, մի՞թե չի կարելի մի նորմալ, քաղաքակիրթ բան անել: 60 թվից եկած ինչ-որ ցելաֆանի լենտ են քաշել, դա անհարգալից է մարդկանց նկատմամբ»,-դիմելով քաղաքապետին՝ ասաց վարչապետը:
«Պարոն վարչապետ, խնդիրը նրանում է, որ օրենսդրական…դա էլ ենք մտցնում փոփոխություն»,-պատասխանեց Մարությանը:
Սակայն վարչապետն ընդհատեց նրան. «Եղբայր ամեն ինչ չէ էլի, որ օրենսդրությամբ է: Պետք է ասել, որ գնան նորմալ ժապավեն գնեն, բերեն»,-ասաց Փաշինյանը:
Լրագրողների հարցին, որ իր ընտանիքն է այստեղ ու առաջարկում է մարզ գնալ, վարչապետը կատակով ասաց՝ դա ընտանեկան խոսակցություն է:
Քիչ անց թատրոնի հիմնարկեքն ի վերջո մեկնարկեց:


Մեկնաբանություններ

Համընկնող լուրեր