17:00 - Իրանի նախագահն Իսրայելին և ԱՄՆ-ին մեղադրել է երկրում անկարգությունների կազմակերպման մեջ         16:25 - Տեսանյութ. Նոր Հաճնում հողին հանձնեցին գազի թունավորումից մահացած ընտանիքին      16:15 - Գարեգին Նժդեհի մասին վարչապետի գիտելիքներն ու կցկտուր պատասխաններն արդեն անընդունելի են    

08 ապր 2019 18:24

Ադրբեջանը հրաժարվել է ՆԱՏՕ-ին տրամադրել իր օդային տարածքը

Ադրբեջանը հրաժարվել է ՆԱՏՕ-ին տրամադրել իր օդային տարածքըՆերկայումս գերմանական բունդեսվերը չի կարողանում իր զինվորներին Աֆղանստան հասցնել սեփական օդանավերով: Ըստ SPIEGEL-ի, գերմանացի զինվորականները ստիպված են մինչեւ ապրիլի վերջը Աֆղանստան հասնել ամերիկյան C17 օդանավերով: Գերմանիան ստիպված կլինի հույսը դնել ամերիկյան C-17 օդանավերի վրա՝ իր զորքերը աֆղանական ճամբար փոխադրելով այլ երթուղով:
Որպես այլընտրանք նախատեսվում է նաեւ զինվորականներին Աֆղանստան հասցնել սովորական չվերթներով:

Պատճառն այն է, որ Ադրբեջանը հրաժարվել է ՆԱՏՕ-ին տրամադրել իր օդային տարածքը՝ զորքերը Եվրոպայից Աֆղանստան հասցնելու համար:
Սովորաբար գերմանական ռազմական օդանավերը թռչում են Կենտրոնական Ասիայի վրայով մինչեւ Աֆղանստանի հյուսիսում գտնվող Մազար ի Շարիֆ քաղաք:
Ադրբեջանի մերժումից հետո մարտի վերջին ստիպված են եղել չեղարկել չվերթը:
Գերմանիայի զինված ուժերում իրավիճակի մասին զեկույցում նշվում է, որ գերմանական A310 օդանավերով փոխադրումները պետք է դադարեցվեն մինչեւ ապրիլի վերջը՝ Ադրբեջանի հետ տարաձայնության պատճառով:

Մեկնաբանություններ

Համընկնող լուրեր