Եվ դա շատ անհանգստացնող է.Ամերիկացի գեներալը հայտարարել է չինական հիպերձայնային զենքի «շատ տագնապալի» փորձարկումների մասին          Էրդողանի հայտարարության բովանդակությունն է՝ Անկարան Երևանի հետ խնդիրները լուծված կհամարի, եթե ՀՀ-ն գործի ըստ Բաքվի շահերի       Հայաստանից դրական ազդակներ եկան, Թուրքիան կհամակարգի Ադրբեջանի հետ Հայաստանի հետ հարաբերությունների կարգավորման հարցը    

11 ապր 2019 17:10

Պատրաստ ենք Թուրքիայի հետ հարաբերություններ հաստատել առանց նախապայմանների

Պատրաստ ենք Թուրքիայի հետ հարաբերություններ հաստատել առանց նախապայմանների«Ադրբեջանի հետ մենք մեր հարաբերությունները, ինչպես նաև մեր մյուս հարևանների հետ փորձում ենք կառուցել խաղաղության օրակարգի շրջանակներում»,- այս մասին քիչ առաջ ԵԽԽՎ գարնանային նստաշրջանի լիագումար նիստի ընթացքում իր ծավալուն ելույթին հաջորդած հարց-պատասխանի ընթացքում ասաց ՀՀ վարչապետ Նիկոլ Փաշինյանը՝ արձագանքելով պատգամավորի այն հարցին, թե ինչպիսին են Հայաստանի հարաբերությունները ոչ միայն՝ Ադրբեջանի, այլև՝ մյուս հարևանների և Թուրքիայի հետ։
Նիկոլ Փաշինյանն ակնարկեց, որ ՀՀ հարաբերությունները իսկապես բարձր մակարդակի են Իրանի և Վրաստանի հետ, որոնց հետ ՀՀ-ն վարում է  բարձր մակարդակի երկխոսություն։
«Փորձում ենք ավելի զարգացնել մեր հարաբերությունները։ Ցավոք սրտի, Ադրբեջանի և Թուրքիայի հետ մենք չունենք դիվանագիտական հարաբերություններ, և դրանով ամեն ինչ ասված է, Ադրբեջանի պարագան բոլորիս համար պարզ է, Թուրքիայի պարագան այլ է, Թուրքիան ՀՀ-ի հետ հարաբերությունների հաստատումը կապում է Ադրբեջանի հետ հարաբերություններով։ ՀՀ-ն չի փոխել իր դիրքորոշումը՝ պատրաստ ենք Թուրքիայի հետ հարաբերություններ հաստատել առանց նախապայմանների։ Ադրբեջանի հետ մենք մեր հարաբերությունները, ինչպես նաև մեր մյուս հարևանների հետ փորձում ենք կառուցել խաղաղության օրակարգի շրջանակներում։ Ուրախ եմ, որ մեր Կառավարությունը կարողացել է սեղանին դնել խաղաղության օրակարգը»,- ասաց Փաշինյանը։

Մեկնաբանություններ

Համընկնող լուրեր