20:21 - ՀՅԴ-ն իշխանություններին դեղին քարտ ցույց տվեց. Տեսանյութ         18:25 - «Ամեն ինչ ունի սկիզբ և վերջ». ԵՊՀ ռեկտորը՝ հրաժարականի պատճառների մասին      18:00 - Փաստաբանը Քոչարյանին ազատած դատավորի դեմ հաղորդում է ներկայացրել ԱԱԾ, ՀՔԾ և Գլխավոր դատախազություն .Դատավորը խախտել է...    

02 մայիս 2019 15:17

Ամոթ չէ որևէ երկրից քաղապաստան խնդրել,եթե Միհրան Պողոսյանին ապաստան տրամադրվի, ապա նրա հանձնումը կմերժվի. Գլխավոր դատախազ

Ամոթ չէ որևէ երկրից քաղապաստան խնդրել,եթե Միհրան Պողոսյանին ապաստան տրամադրվի, ապա նրա հանձնումը կմերժվի. Գլխավոր դատախազԱյսօր Ազգային ժողովում լրագրողների հետ ճեպազրույցում ՀՀ գլխավոր դատախազ Արթուր Դավթյանը հայտարարեց, որ Ազգային ժողովի նախկին պատգամավոր Միհրան Պողոսյանի արտահանձնման գործընթացը բնական էքստրադիցիոն պրոցեսի մեջ է։
«Էքստրադիցիոն գործընթացի իրականացման ընթացքում անձը կարող է կոնկրետ երկրում դիմել ապաստան ստանալու խնդրով։ Միջազգային իրավակարգավորումների համաձայն, այս գործընթացը գաղտնի է։ Այսինքն՝ այն պետությանը, որին ինքը դիմում է, պարտավոր է այդ մասին տեղեկությունը չհրապարակել։ Մենք էլ ենք ուենում նման գործեր, երբ անձը մեր երկրից հայցում է ապաստան, մնք պարտավոր ենք պահպանել սահմանված ընթացակարգերը», - հայտարարեց Դավթյանը։
Նրա խոսքով, եթե ապաստան տամադրվի, ապա կմերժվի անձի հանձնումը։ Այդուհանդերձ, գլխավոր դատախազը չբացառեց, որ նման իրավիճակ կարող է լինել։
Դախազը ավելացրեց, որ որևէ մեկի համար ամոթ չէ որևէ երկրից քաղապաստան խնդրել, և դա անձի իրավունքն է։
Հարցին, թե ինչ է մտածում Միհրան Պողոսյանի արարքի մասին, Դավթյանը պատասխանել է. «Որպես դատախազ մտածում եմ, որ Պողոսյանը նման իրավունք ուներ։ Որպես մարդ, բարոյական տեսանկյունից, անընդունելի եմ համարում»։ Նրա խոսքով՝ արդարադատությունից խուսափելու փորձեր անում են շատերը, բայց քչերին է դա հաջողվում։ Ընդհանուր առմամբ, հիշեցրել է Դավթյանը, արտահանձնման ընթացակարգը կարող է ձգձգվել. «Կան գործեր, որոնց վերաբերյալ մենք էլ գործընկերներին տարուց ավելի չենք պատասխանել»։
Հիշեցնենք, որ Միհրան Պողոսյանը մեղադրվում է օֆշորային ընկերություններում փողերի լվացման աղմկահարույց սկանդալին հանցակցության մեջ։ 


Մեկնաբանություններ

Համընկնող լուրեր