Այս որոշումը սպասելի էր.'Հասկանալով՝ որտեղից է ուղղորդվում, գիտակցում ենք՝ ինչ է կատարվում
Որոշումը այնքանով է բավարարել, որ հայրս հիմա պետք է ազատության մեջ լինի: Այսօր լրագրողների հետ զրույցում ասաց ՀՀ երկրորդ նախագահ Ռոբերտ Քոչարյանի որդին՝ Լևոն Քոչարյանը:Հիշեցնենք, որ Երեւանի ընդհանուր իրավասության դատարանում՝ դատավոր Դավիթ Գրիգորյանի նախագահությամբ, քիչ առաջ որոշվեց ազատ արձակել ՀՀ երկրորդ նախագահ Ռոբերտ Քոչարյանին. Նրա նկատմամբ կիրառվեց անձնական երաշխավորություն։
Լևոն Քոչարյանը նշեց, որ ինչ-որ տեղ իր համար այս որոշումը սպասելի էր՝ հաշվի առնելով Արցախի Հանրապետության երկու նախագահների երաշխավորությունները:
Լրագրողի հարցին, մինչ այդ պաշտպանները հայտարարում էին դատարանի նկատմամբ ճնշումներ կան, հիմա այդ կարծիքը փոխվե՞լ է, Լևոն Քոչարյանը պատասխանեց.
‹‹Շարունակությունը կտեսնենք, պրոցեսը չի վերջացել, ինձ թվում է հետո կհասկանանք ճնշումներ կան, թե ոչ››:
Երկրորդ նախագահի որդին ընդգծեց, որ իր հոր այս ժամանակահատվածում անազատության մեջ լինելը իրենք ապօրինի են համարում:
Խոսելով ընդդեմ Քոչարյանի ակցիայի մասնակիցների մասին՝ Քոչարյանն ասաց, որ հասկանալով՝ որտեղից է ուղղորդվում, գիտակցում ենք՝ ինչ է կատարվում:
Հարցին՝ որտեղից է ուղղորդվում, Լևոն Քոչարյանը պատասխանեց. ‹‹Ինձ թվում է՝ պարզ է բոլորին››:
