Նիկոլ Փաշինյանը որևէ միջոցառում չի չեղարկել. ապատեղեկատվություն է,իսկՊուտինի հետ հանդիպումը սպասվում է հունիսի 6-ին
«Տեղեկատվության ստուգման կենտրոն»-ի ֆեյսբուքյան էջում գրված է. «Հերքում․ Նիկոլ Փաշինյանը որևէ միջոցառում չի չեղարկել, աշխատանքային այցը շարունակվում է: Մի շարք լրատվամիջոցներ քիչ առաջ գրեցին, որ վարչապետ Նիկոլ Փաշինյանը, որն այժմ գտնվում է Ղազախստանի մայրաքաղաք Նուր-Սուլթանում, չի մասնակցել պաշտոնական ճաշին և, չեղարկելով մի շարք միջոցառումներ, վերադառնում է Հայաստան։ Մասնավորապես, գրվել էր, որ վարչապետը չեղարկվել է Նուր-Սուլթանում Հայաստանի դեսպանատանը Ղազախստանի հայ գործարարների հետ նախանշված հանդիպումը: «Տեղեկատվության ստուգման կենտրոնը» կապ հաստատեց վարչապետի մամուլի խոսնակ Վլադիմիր Կարապետյանի հետ, որը տեղեկացրեց՝ միջոցառում չի չեղարկվել։ «Տեղեկությունը չի համապատասխանում իրականությանը։ Վարչապետը մասնակցել է ղեկավարների համար նախատեսված պաշտոնական ճաշին, իսկ այժմ ընթանում է այցը դեսպանատուն։ Նախատեսված որևէ միջոցառում չի չեղարկվել»,- փոխանցեց Վլադիմիր Կարապետայնը»։Ինչ վերաբերում է ՌԴ նախագահ Վլադիմիր Պուտւինի հետ չկայացած հանդիպմանն ու դրան հետևած վարչապետի «դիսկոմֆորտին», Վլադիմիր Կարապետյանը նշեց, որ հանդիպում ՌԴ նախագահի հետ չէր էլ ակնկալվում: Քիչ առաջ ռուսական լրատվամիջոցները տարածեցին ռուսական կողմի մեկնաբանությունը՝ Փաշինյան-Պուտին սպասվող հանդիպման մասին:
Մասնավորապես, ՏԱՍՍ-ի հաղորդմամբ՝ ՌԴ նախագահի մամուլի քարտուղար Դմիտրի Պեսկովը հայտարարել է, թե «Մենք սպասում ենք Հայաստանի վարչապետին»: Իսկ Պուտին-Փաշինյան հանդիպումը, ըստ Պեսկովի՝ սպասվում է հունիսի 6-8-ը կայանալիք Պետերբուրգի միջազգային տնտեսական համաժողովին (ՊՄՏՀ): «Մնացած ղեկավարներին ես այժմ չեմ նշի, որովհետև դեռևս վերջնական հաստատումներ չկան»,- հավելել է Պեսկովը: Համաժողովի միջոցառումները միավորված են «Ձևավորելով կայուն զարգացման օրակարգը» նշանաբանով: Հավելենք՝ միջազգային համաժողովի կազմակերպիչը «Ռոսկոնգրես» հիմնադրամն է:
Մասնավորապես, ՏԱՍՍ-ի հաղորդմամբ՝ ՌԴ նախագահի մամուլի քարտուղար Դմիտրի Պեսկովը հայտարարել է, թե «Մենք սպասում ենք Հայաստանի վարչապետին»: Իսկ Պուտին-Փաշինյան հանդիպումը, ըստ Պեսկովի՝ սպասվում է հունիսի 6-8-ը կայանալիք Պետերբուրգի միջազգային տնտեսական համաժողովին (ՊՄՏՀ): «Մնացած ղեկավարներին ես այժմ չեմ նշի, որովհետև դեռևս վերջնական հաստատումներ չկան»,- հավելել է Պեսկովը: Համաժողովի միջոցառումները միավորված են «Ձևավորելով կայուն զարգացման օրակարգը» նշանաբանով: Հավելենք՝ միջազգային համաժողովի կազմակերպիչը «Ռոսկոնգրես» հիմնադրամն է:
