20:23 - Սպանված զինվորների մայրերը ներեցին Աշոտին. ցմահ դատապարտյալը բացում է փակագծերը. Տեսանյութ         18:00 - Տեսանյութ. Այսօր Երուսաղեմում ԱՄՆ-ն, Ռուսաստանը և Իսրայելը կորոշեն Իրանի դեմ պատերազմի ճակատագիրը      17:38 - Կա վտանգ, որ ԱՄՆ-ն կարող է կետային հարվածներ հասցնել Իրանի ուղղությամբ. Տեսանյութ    

08 հուն 2019 16:35

Հայտնագործություն՝ քրեագիտության ոլորտում. ԴՆԹ-ն կարելի է փոխանցել ձեռքսեղմամբ

Սեփական ԴՆԹ-ն մեկ այլ մարդու փոխանցելու համար բավական է 10-վայրկյանանոց ձեռքսեղմումը: Արդյունքում՝ ԴՆԹ-ն կարող է հայտնվել առարկաների վրա, որոնց անգամ չեք հպվել: Այսպիսի սենսացիոն հայտնագործությամբ են հանդես եկել Ինդիանապոլիսի համալսարանի եւ Հյուսթոնի գիտական դատափորձագիտական կենտրոնի մասնագետները:
Science News-ը հայտնում է, որ փորձի շրջանակում կամավորները փոխանակել են ձեռքսեղմումներ, այնուհետեւ նրանցից մեկը ձեռքն է վերցրել դանակը: Արդյունքում՝ դանակի բռնակի վրա ԴՆԹ-ի հիմնական բաժնի տերը եղել է այն մարդը, որը դրան նույնիսկ չի հպվել. նման բան է գրանցվել 7 տոկոս դեպքերում: Այսպիսով՝ ԴՆԹ-ն սառը զենքի բռնակին է հայտնվել երկրորդ կամավորի միջոցով, որն իր կամքց անկախ կատարել է միջնորդի դերը:
Ընդ որում՝ գիտնականները չեն բացառում, որ ԴՆԹ-ի «փոխանակման» համար կարող է պահանջվել 10 վայրկյանից քիչ:

Կատարված հայտնագործությունը կարող է դժվարացնել հանցագործությունների քննության գործընթացը: Մի կողմից՝ մասնագետները չեն պնդում, որ ԴՆԹ-ի միջոցով հանցագործների որոնման մեթոդն անվստահելի է: Մյուս կողմից՝ արժի հաշվի առնել նաեւ այն հավանականությունը, որ ԴՆԹ-ն կարող է հանցագործության վայրում հայտնվել միանգամայն պատահականորեն:


Մեկնաբանություններ

Համընկնող լուրեր