Մարտի 29-ին կդադարեցվի հետևյալ հասցեների ջրամատակարարումը          Տեսանյութ.Ավագ Հինգշաբթի՝ Սուրբ Հաղորդության խորհրդի հաստատում, Խորհրդավոր ընթրիք       Մարտի 29-ին երկար ժամանակով լույս չի լինի բազմաթիվ հասցեներում    

09 օգոս 2016 17:55

Գնաճ արձանագրվել է ձվի, շաքարավազի, գնանկում՝ հացամթերքի, մսամթերքի, կաթնամթերքի շուկայում

Օգոստոսի 9-ին «Հայացք» մամուլի ակումբում Հայաստանի Ազգային վիճակագրական ծառայության նախագահի խորհրդական  Գուրգեն Մարտիրոսյանը ներկայացրեց 2016թ հունվար-հուլիս ամիսների գների փոփոխությունները  սպառողական շուկայում: 
Գուրգեն Մարտիրոսյանը նշեց, որ 6 ամիսների ընդհանուր գնանկումը կազմել է 5,4 տոկոս. «2016 թվականի հունվարին արձանագրված 2,2 տոկոս բարձր գնաճից հետո, հաջորդ վեց ամիսների ընթացքում հանրապետության սպառողական շուկայում արձանագրվել են գնանկման միտումներ»
Ըստ նրա՝ գրեթե նույն պատկերն է արձանագրվել նաև 2015 թվականի առաջին 7 ամիսների ընթացքում: Ի տարբերություն այս տարվա, 2015 թվականի փետրվար-հուլիս ամիսների ընդհանուր գնանկումը կազմել է 4,6 տոկոս: Գուրգեն Մարտիրոսյանի խոսքով 2016 թվականի հուլիսին 2015 թվականի  դեկտեմբերի համեմատ հանրապետության սպառողական շուկայում արձանագրվել է  1,3 տոկոս գնանկում. «2016 թվականի հուլիսին հունիսի համեմատ 10 ապրանքային  խմբում արձանագրվել է գնանկում, իսկ 3 ապրանքային խմբում արձանագրվել է գնաճ: Առավել բարձր գնաճ արձանագրվել է ձվի, շաքարավազի շուկայում և ոչ մոբիլ ապրանքախմբում: Գնանկում է արձանագրվել հացամթերքի, մսամթերքի, կաթնամթերքի, ձկնամթերքի գծով: Նվազել են նաև կենդանական և բուսական յուղերի, սուրճի, թեյի, կակակոյի, հրուշակեղենի և այլ մթերքների գները»,– ասաց նա:
Ըստ բանախոսի, առավել մեծ գնանկում արձանագրվել է «Միրգ» ապրանքային խմբում՝ 19,6 տոկոսով և «Բանջարեղեն» ապրանքային խմբում՝ 20,9 տոկոսով. «2016 թվականի հուլիսին հունիսի նկատմամբ հանրապետության դիտարկվող 11 բնակավայրերում արձանագրվել է գնանկում 1,1 տոկոսից մինչև 3,6 տոկոս: Բարձր գնանկում արձանագրվել է Եղեգնաձորում, իսկ ցածր գնանկում՝ Վանաձորում: Մայրաքաղաքում սպառողական գները նվազել են 2.3 տոկոսով»,- ամփոփեց  Գուրգեն Մարտիրոսյանը:

Մեկնաբանություններ


Համընկնող լուրեր