Տեսանյութ.Հանձնել է այդ չորս գյուղերը և Սյունիքն էլ է հանձնելու. դուք խոսքի, խոստումների համար տալիս եք տարածքի մի մա՞սը          Ամբողջ աշխարհի աչքի առջև ՀՀ-ն վերածվում է ծայրահեղ վտանգավոր ծրագրերի իրականացման գործիքի.Թե ինչու է Երեւանը ձեւացնում, թե չի հասկանում, թե ինչի մասին է խոսքը, մեծ հարց է       Եվ ահա նոր սպառնալիք.Հրավիրում ենք իրավապահների ուշադրությունը.«Զանգի, ասա` ռnւմբ կա «Դալմա մոլ»-ում»    

13 հուն 2019 12:01

Բացահայտվել է մարտի 1-ի գործով տուժող Արթուր Ավագյանի հոր դաժան սպանությունը. Մարտի 1-ի հետ այս սպանությունը կապ ունի՞

SHAMSHYAN.com-ի տեղեկություններով՝ երեկ՝ հունիսի 12-ին, Հայաստանի քննչական կոմիտեի Երևան քաղաքի քննչական վարչության Էրեբունի և Նուբարաշեն վարչական շրջանների քննչական բաժնի պետ, արդարադատության գեներալ-մայոր Արթուր Գոյունյանի

որոշմամբ ստեղծված քննչական խմբի ղեկավար, նույն բաժնի հատկապես կարևոր գործերով ավագ քննիչ Վազգեն Վարդանյանը միջնորդություն է ներկայացրել Երևան քաղաքի ընդհանուր իրավասության դատարան, որպեսզի դատարանը, որպես խափանման միջոց,
երկամսյա կալանքի որոշում կայացնի Երևան քաղաքի Ազատամարտիկների փողոցի բնակիչ՝ 30-ամյա Զորիկ Մանուկյանի նկատմամբ, ով ՀՀ քր. օր-ի 104 հոդվածի 1-ին մասի հատկանիշներով ոստիկանության Էրեբունու բաժնի կողմից հետախուզվում է հունիսի 10-ին Էրեբունի վարչական շրջանում կատարված սպանության կասկածանքով։
Ինչպես հայտնում է ֆոտոլրագրող Գագիկ Շամշյանը, դատարանը դռնփակ դատական նիստն անցկակցնելուց և խորհրդակցական սենյակից վերադառնալով՝ բավարարել է քննիչի միջնորդությունը և եթե Զ. Մանուկյանը հայտնաբերվի կամ մեղայականով ներկայանա իրավապահներին, տեղափոխվելու է «Նուբարաշեն» քրեկատարողական հիմնարկ։

Ֆոտոլրագրողը հայտնում է, որ Էրեբունու ոստիկաններն ու քննիչները պարզել են, որ հունիսի 10-ին Զ. Մանուկյանը սպանել է Երևանի բնակիչ՝ 56-ամյա Սարգիս Ավագյանին, ով Էրեբունի հիվանդանոց տեղափոխվելու ճանապարհին մահացել է։
Ոստիկաններն ու քննիչները պարզել են նաև, որ այդ օրը, ժամը 12։00-ի սահմաններում Գլինկայի փողոցի և Տիգրան Մեծի պողոտայի խաչմերուկում Ս. Ավագյանի հետ վիճաբանել են Զ. Մանուկյանը, նրա ընկերը՝ Երևան քաղաքի Սարի Թաղի բնակիչ, 56-ամյա Գրիգոր Բողոջոջյանը, որի ժամանակ Զ. Մանուկյանը դանակով հարվածել է Ս. Ավագյանի կրծքավանդակին, ինչն էլ դարձել է մահվան պատճառ։
Նշված վիճաբանության ժամանակ մարմնական վնասվածք է ստացել նաև Երևան քաղաքի Բուռնազյան փողոցի բնակիչ՝ 24-ամյա Վ. Ֆ.-ն, ով Էրեբունի հիվանդանոց էր ընդունվել «որովայնի առաջնային պատի կտրած-ծակած վերք» ախտորոշմամբ։

Էրեբունու բժիշկների շնորհիվ հնարավոր է եղել Վ. Ֆ.-ի կյանքը փրկել։ Գ. Շամշյանի տեղեկություններով՝ ոստիկանությունը փնտրում է նաև Գ. Բողոջոջյանին, ինչպես նաև հանցագործության գործիք հանդիսացող դանակը։

Ֆոտոլրագրողի տեղեկություններով՝ վիճաբանությունը տեղի է ունեցել կենցաղային հարցերի շուրջ, մինչդեռ երեկվանից համացանցում և զանգվածային լրատվամիջոցներով տեղեկություններ են տարածվում, որ հնարավոր է՝ սպանությունը կապ ունի Մարտի 1-ի հայտնի դեպքերի հետ, սակայն միակ զուգադիպությունը նա է,որ սպանվածը Մարտի 1-ի տուժածներից Արթուր Ավագյանի հայրն է և Մարտի 1-ի հետ այս սպանությունը կապելը ճիշտ չէ։ Ոստիկաններն ու քննիչները այս 2 օրվա ընթացքում կատարել են ահռելի օպերատիվ-հետախուզական և քննչական գործողություններ՝ դեպքի հանգամանքները մանրամասն պարզելու, ինչպես նաև դրդապատճառները ճշտելու ուղղությամբ։
Այդ մասին հայտարարություն է տարածել նաև Հայաստանի քննչական կոմիտեն։ Գ. Շամշյանի տեղեկություններով՝ Զ. Մանուկյանը նախկինում դատապարտված է եղել։ Ներկայացնում ենք քննչական կոմիտեի հայտարարությունը.

Փաստաբան Սեդա Սաֆարյանի կողմից Սարգիս Ավագյանի սպանության պատճառների վերաբերյալ այսօր արված հայտարարության կապացությամբ տեղեկացնում ենք, որ այս պահին նախաքննական մարմնի կողմից ձեռք բերված բավարար ապացույցները բացառում են, որ Ավագյանի սպանությունը որևէ առնչություն ունի Մարտի 1-ի գործով ընթացող դատավարության ընթացքի հետ:
Հորդորում ենք՝ խուսափել չճշտված և չստուգված տեղեկատվություն հրապարակելուց: Նշենք, որ ՀՀ ՔԿ ԵՔՔՎ Էրեբունի և Նուբարաշեն վարչական շրջանների քննչական բաժնում շարունակվում են ձեռնարկվել ակտիվ քննչական գործողություններ Սարգիս Ավագյանի սպանության դեպքի բոլոր հանգամանքները պարզելու ուղղությամբ:
Միաժամանակ տեղեկացնում ենք, որ իրականացված անհետաձգելի քննչական գործողությունների արդյունքում պարզվել են միջադեպի մի շարք հանգամանքներ՝ դեպքի վայրը, որի զննությամբ հայտնաբերվել և առգրավվել են արնանման հետքեր, ինչպես նաև՝ արնանման հետքերի պարունակությամբ իրեր և առարկաներ:

Հայտնաբերվել և օրենքով սահմանված կարգով առգրավվել են դեպքի վայրը և հարակից տարածքները տեսանկարահանող սարքերի հիշողության կրիչները, քննությանը հետաքրքրող ժամանակահատվածի տեսագրությունները, ենթարկվել զննության: Պարզվել է ականատես վկաների ինքնությունը, ովքեր հարցաքննվել են դեպքի հանգամանքների շուրջ:
Այս պահին ստուգվում են ցուցմունքներում մատնանշված հանգամանքները: Կատարված անհետաձգելի քննչական գործողությունների, Ոստիկանության համապատասխան ստորաբաժանման աշխատակիցների հետ ձեռնարկված համատեղ միջոցառումների արդյունքում պարզվել են ենթադրյալ հանցագործություն կատարած անձանց ինքնությունը, ովքեր հանդիսանում են Երևան քաղաքի բնակիչներ՝ ծնված 1963 և 1989 թթ.:

Մեկնաբանություններ


Համընկնող լուրեր