Ճնշման իջեցման որոշ դեղերի բաղադրության մեջ հայտնաբերվել են վտանգավոր քաղցկեղածիններ
ԱՄՆ-ում շրջանառությունից հանում են ճնշման իջեցման որոշ դեղեր, որոնց բաղադրության մեջ հայտնաբերվել են վտանգավոր քաղցկեղածիններ:The Daily Mail-ը հայտնում է, միացության ոչ անվտանգ մակարդակը, որը հայտնի է որպես NMBA (N-նիտրոզո-N-մեթիլ-4-ամինոյուղաթթու), հայտնաբերվել է Macleods Pharmaceuticals ընկերության լոզարտանի հաբերում:
Սա դեղերի մեջ վտանգավոր նյութերի հայտնաբերման ամենեւին առաջին դեպքը չէ: Այսօր քաղցկեղածիններով աղտոտված պոտենցիալ վտանգավոր դեղերի ցուցակը ներառում է 1109 անուն դեղամիջոց: Այսօրվա դրությամբ՝ խնդիրները շրջանցել են լոզարտանի, վալսարտանի եւ իրբեսարտանի 43 մակնիշներ: Շուկայում արդեն նկատվում է այս դեղերի դեֆիցիտ:
Հետաքննությունը ցույց է տվել, որ քաղցկեղածիններով դեղերի աղտոտումը կարող է կապված լինել Չինաստանում եւ Հնդկաստանում արտադրության մեջ խախտումների հետ: Աշխարհում բոլոր դեղերի երկու երրորդն արտադրվում է այնտեղ եւ բավականին ցածր գներով:
Դեղերի մեջ հայտնվող վտանգավոր նյութերին են դասվում դիմեթիլֆորմամիդը (լուծող նյութ, որն առկա է պլաստիկում, պեստիցիդներում եւ սինթետիկ կաշվի մեջ), N-նիտրոզոդիէթիլամինը (NDEA) եւ N-նիտրոզոդիմեթիլամինը (NDMA):
Չնայած ամերիկացի փորձագետները կոչ են անում դեղամիջոցներից չհրաժարվել, եթե նույնիսկ հայտնվել են ցուցակում, այն դեպքում, եթե անվտանգ այլընտրանք ձեռք բերելու հնարավորություն չկա, քանի որ բարձր ճնշումը կարող է բերել ավելի լուրջ խնդիրների, քան այդ դեղամիջոցները:
