18:41 - Աշուղ Ջիվանու և Վահան Տերյանի ծննդավայրերում կրկին տոն էր. Տեսանյութ         17:59 - Թուրքիայում Հայաստանի քաղաքացի է բերման ենթարկվել      17:07 - Նազիկ Ամիրյանը հերքում է, որ ամուսինն է տարիներ առաջ շղթայած անձին կտտանքների ենթարկել    

04 հուլ 2019 15:35

Գաղտնիքը բացահայտված է.14 նավաստիների կյանք խլած սուզանավը միջուկային էր.մանրամասներ

Ռուսաստանի Դաշնության նախագահ Վլադիմիր Պուտինը գաղտնազերծել է նախորդ օրերին «պետական գաղտնիքի» կնիքի տակ պահվող տեղեկությունը՝ կապված հուլիսի 1-ին ՌԴ տարածքային ջրերում ստորջրյա սարքում տեղի ունեցած ողբերգական հրդեհի հետ: 

Ինչպես հայտնում է Reuters-ը, նախագահը բացահայտել է, որ մինչ այս լրատվամիջոցներում խոր ջրային գիտահետազոտական սարք ներկայացվող ապարատն իրականում միջուկային սուզանավ է:

Աղբյուրը նկատում է, որ 14 նավաստիների կյանք խլած հրդեհից հետո ռուսական իշխանություններին մեղադրում էին օվկիանոսի հատակին տեղի ունեցած ողբերգական դեպքի ամբողջական մանրամասները քողարկելու փորձի համար: Ավելի վաղ ՌԴ պաշտպանության նախարարությունը հայտնել էր, որ դեպքի պահին գիտահետազոտական սարքն Արկտիկայից ոչ հեռու ուսումնասիրում էր օվկիանոսի հատակը: Բացի այդ, հրդեհն ու նավաստիների զոհվելը տեղի էին ունեցել երկուշաբթի, սակայն ՊՆ-ն տեղեկությունը գաղտնազերծել էր միայն երեքշաբթի երեկոյան:

Սարքի միջուկային լինելու մասին հայտնի է դարձել Պուտինի և պաշտպանության նախարար Սերգեյ Շոյգուի՝ Կրեմլում կայացած հանդիպման արդյունքում: Նախագահը հետաքրքրվել է՝ խոշոր հրդեհից հետո ինչ վիճակում է սուզանավի միջուկային ռեակտորը, ինչին ի պատասխան Շոյգուն ասել է. «Միջուկային ռեակտորն ամբողջովին մեկուսացված է, դրա մոտ մարդ չկա: Անձնակազմի կողմից ձեռնարկվել են ռեակտորը պաշտպանելու համար բոլոր անհրաժեշտ քայլերը: Ներկայում այն սարքին է»:

Շոյգուն հավելել է, որ հրդեհը բռնկվել է սուզանավի մարտկոցային հատվածում: 

Ինչ վերաբերում է զոհված 14 նավաստիներին, ապա նրանց մահվան պատճառ է դարձել այրվող նյութերից թունավորումը:
Հիշեցնենք, ՌԴ նախագահի մամուլի խոսնակ Դմիտրի Պեսկովը, անդրադառնալով հուլիսի 1-ին ՌԴ տարածքային ջրերում երկրի ռազմածովային նավատորմին պատկանող և ստորջրյա ուսումնասիրությունների համար նախատեսված սարքում տեղի ունեցած հրդեհի հետևանքով 14 նավաստիների զոհվելու ողբերգական դեպքին, ասել էր, որ կատարվածի մանրամասները միանգամայն գաղտնի տվյալներ են և չեն կարող հրապարակվել: Պեսկովի խոսքով՝ ջրասուզորդ նավաստիների զոհվելու հետ կապված տեղեկության մի մասը պետական գաղտնիք է, որը հրապարակման ենթակա չէ:

Բացի այդ, նախագահի խոսնակը հրաժարվել էր պատասխանել լրագրողներից մեկի այն հարցին, թե ինչպիսի ստորջրյա սարքում կամ սուզանավում են գտնվել նավաստիները:

Մեկնաբանություններ

Համընկնող լուրեր