Տեսանյութ.Ահաբեկչության վտանգ իհարկե կա. Մի օր նախագահական կմտնեն, մի օր էլ ԱԱԾ
Այսօր՝ հուլիսի 8-ին, լրագրողների հետ հանդիպմանն Ազատ Արշակյանը, խոսելով նախագահական ինչ-որ մարդկանց մտնելու, լուսանկարվելու միջադեպի մասին, հայտարարեց՝ եթե որևէ մեկը որևէ տեղ հրավիրված չէ, ներխուժում որևէ տեղ անթույլատրելի է՝ լինի դա բնակարան, թե պաշտոնավայր:Արշակյանի խոսքերով, եթե հրավեր չկա, կամ քրեական գործ է, կամ հասարակական պարսավանքի արժանի. «Ես առաջարկում եմ ուժեղացնել պետական հիմննարկների պահպանությունը: Ոչ ոք չպետք է կարողանա ներթափանցել այդ հիմնարկները: Նույնիսկ եթե ահաբեկչությանա վտանգ չկա... բայց ինչո՞ւ չկա, իհարկե կա: Ահաբեկչությունը միշտ էլ եղել ու կլինի: Դրա անունը կարող ենք դնել հակաահաբեկչություն, խախտողներին պատժել: Քանի որ ԱԺ պատգամավորներ են, կամ ով են, այս դեպքում նրանք ներթափանցողներն են, մեղմ ասած՝ խուլիգաններ: Հետևություններ պետք է անեն նրանց գործընկերները, ովքեր իրավասու են նրանց պատժելու: Չի կարելի կուտակել անհարգալից վերաբերմունք պետության նկատմամբ: Մի օր նախագահական կմտնեն, մի օր դատախազություն, մի օր կառավարություն, մի օր ԱԱԾ»:
Հավելենք, որ խոսքը վերաբերում է Իմ քայլի պատգամավոր Հայկ Սարգսյանին և մի խումբ քաղաքացիների:
