13:05 - Տեսանյութ. Մեռնիմ ջանիդ, Փաշինյան ջան, ձեռքիս հացը կերել ես.2 ամսի ա սոված կմեռնեմ         13:02 - 17-ամյա տղան հոսանքահարման հետևանքով մահացել է. նա եղել է հոր վարած ГАЗ 53 մակնիշի՝ խոտով բարձված բեռնատարի վրա      12:40 - Առեղծվածային հիվանդության պատճառով տղամարդու դեմքը երեք անգամ մեծացել է    

08 հուլ 2019 16:40

Ահա թե ուր է տանում սանձարձակ ռուսատյացությունը. ՌԴ ԱԳՆ-ն արձագանքել է վրացական հեռուստաալիքի եթերում Պուտինի հասցեին հնչած վիրավորանքներին

Ռուսաստանի ԱԳՆ-ն արձագանքել է վրացական հեռուստաալիքի եթերում ՌԴ նախագահ Վլադիմիր Պուտինի հասցեին հնչած վիրավորանքներին, գրում է news.rambler.ru-ն:


Ռուսաստանի Դաշնության արտգործնախարարությունը կտրուկ դատապարտել է վրացական «Ռուսթավի 2» հեռուստաալիքի եթերում նախագահ Պուտինի հասցեին հնչած վիրավորանքները՝ դրանք իր նվաստությամբ աննախադեպ արարք որակելով:
«Մենք կտրուկ դատապարտում ենք իր տեսակով աննախադեպ այս նվաստ արարքը՝ Ռուսաստանի ղեկավարի հասցեին հնչած անընդունելի արտահայտությունները վրացական «Ռուսթավի-2» հեռուստաալիքի եթերում: Սա դիտարկում ենք վրացական արմատական ուժերի ևս մեկ բացահայտ սադրանք՝ ուղղված ռուս-վրացական հարաբերությունների խաթարմանը: Այս աղաղակող միջադեպը վառ օրինակ է այն բանի, թե ուր է տանում սանձարձակ ռուսատյացությունը»,-ասված է ՌԴ ԱԳՆ-ի կայքում հրապարակված մեկնաբանության մեջ:

Ռուսաստանի ԱԳՆ-ում նշում են, որ ի տարբերություն հունիսի 20-ին ռուսական խորհրդարանական պատվիրակության անդամների վրա կատարված հարձակման, վրացական իշխանությունները ոչ թե արդարացրել են արմատականներին, այլ ուժ են գտել դատապարտելու նրանց վարքագիծը:
«Տեսնում ենք նաև այն արդար վրդովմունքը, որով վրացական հասարակությունն ընկալել է այս երևույթը։  Ակնկալում ենք համապատասխան արձագանք միջազգային և տարածաշրջանային կազմակերպությունների և լրագրողական հանրության կողմից: Նման դրսևորումները չպետք է տեղ ունենան քաղաքակիրթ երկրներում»,-ընդգծել է ՌԴ ԱԳՆ-ն:

Մեկնաբանություններ

Համընկնող լուրեր