17:00 - Դոլարի ու եվրոյի փոխարժեքները շարունակում են աճել         16:35 - Տուգանքը վերաբերում է 2020 թվականի հունվարի 1-ից հետո ներմուծված մեքենաներին      16:05 - Պատերազմը դեռ նոր է սկսվում. Covid-19-ը ստիպում է իմունիտետին` քայքայել օրգանիզմը    

20 հուլ 2019 10:00

Ուշադրությունը շեղելու, հայկական ուժերին ղարաբաղյան հատվածում թուլացնելու փորձ.«168 ժամ»

«168 ժամ» թերթը գրում է. «Նախիջեւանի ուղղությունից հայկական դիրքերի թիրախավորումը նոր երեւույթ չէ։ Դա սկսվել է ԼՂ հակամարտության այն փուլից, երբ հակամարտությունը վերածվել է հայ-ադրբեջանական հակամարտության նաեւ, եւ լարվածություն է սկսվել նաեւ հայ-ադրբեջանական սահմանին, ինչը պատահական չի եղել, եւ դա ցուցիչ է, որ այս հակամարտությունը հայ-ադրբեջանական է, եւ ռազմական գործողությունների դեպքում այս հատվածում եւս պատրաստ պետք է լինել հակահարվածի, այսինքն՝ ռազմական գործողությունների սահմանն է ընդլայնվել ժամանակի ընթացքում»,- «168 Ժամի» հետ զրույցում այս մասին է ասել ռուս ռազմական փորձագետ Վլադիմիր Եվսեեւը` անդրադառնալով այս օրերին Նախիջեւանից կրակահերթերին:
Վլադիմիր Եվսեեւի խոսքով՝ Նախիջեւանի ուղղությունից կրակահերթերը խոսում են նաեւ Ադրբեջանին թուրքական աջակցության մասին, հաշվի առնելով թուրքական ներկայության մակարդակը Նախիջեւանում։

«Նախիջեւանի ուղղությունից հրաձգության նպատակը պետք է դիտարկել ԼՂՀ ուղղությունից ՀՀ ԶՈՒ ուշադրությունը շեղելու փորձ, հայկական ուժերին ղարաբաղյան հատվածում թուլացնելու փորձ»,- ասել է նա»:
Առավել մանրամասն՝ թերթի այսօրվա համարում


Մեկնաբանություններ

Համընկնող լուրեր