15:50 - Մարտի 1-ի դեպքերի հետ կապված ամբողջ բեռը դնում են պատմաբանների վրա, թե դուք որոշեք...         15:49 - Այսուհետ դադարեք ինձ համարել առողջապահության նախարարության ուռուցքաբանության գծով խորհրդատու, շուտով կտեսնեն, որ թագավորը մերկ է և այդ ամենն ուղղակի շղարշ էր      15:28 - Հենա մեկին բռնել են, ինչ են անում, որ հիմա էլ մեկին բռնեն. Սարոյանը՝ Սերժ Սարգսյանի հնարավոր ձերբակալության մասին    

20 հուլ 2019 12:40

Առեղծվածային հիվանդության պատճառով տղամարդու դեմքը երեք անգամ մեծացել է

Ֆիլիպիններից 56-ամյա Ռոմուլո Փիլափիլը բախվել է առեղծվածային հիվանդության հետ, որը մեծացրել է նրա դեմքը 3 անգամ:
Ինչպես հաղորդում է Daily Mail-ը, ամեն ինչ սկսվել է շուրջ 3 տարի առաջ: Տղամարդը դիմել էր հիվանդանոց՝ գանգատվելով աչքերում քորի եւ հարբուխի համար: Բժիշկները որոշել էին, որ պացիենտի մոտ սովորական սինուսիտ է եւ նշանակել նրա բուժման կուրս: Սակայն դեղամիջոցները չէին օգնել, նրա վիճակը շարունակում էր վատթարանալ, իսկ տեմքը՝ բորբոքվել:
Տեղի բժիշկները չեն կարողացել հստակ ախտորոշել Ռոմուլոյի հիվանդությունը եւ խորհուրդ են տվել նրան մեկնել Ֆիլիպինների մայրաքաղաք Մանիլա: Սակայն ընտանեկան բյուջեն թույլ չէր տվել տղամարդուն մեկնել մայրաքաղաք:

Հիվանդությունը շարունակում էր զարգանալ, եւ կարճ ժամանակ անց Ռոմուլոյի կոպերն այնքան էին այտուցվել, որ նա ոչինչ չէր կարողանում տեսնել: Տղամարդը ստիպված էր հեռանալ աշխատանքից, իսկ նրա երեխաները ստիպված էին աշխատել ընտանիքին ապահովելու համար: Նրանցից յուրաքանչյուրը հերթով խնամում է հորը տան պայմաններում:
Վերջին անգամ Ռոմուլոն այցելել էր բժշկի 2018 թվականին. հենց այդ ժամանակ նրան խորհուրդ էին տվել դիմել ավելի խոշոր հիվանդանոց: Այդ օրվանից նա չի ստացել բուժօգնություն: Նրա բարեկամները հույս ունեն, որ շրջապատողները լուրերից կտեղեկանան նրա առեղծվածային հիվանդության մասին եւ կկարողանան օգնել:

Մեկնաբանություններ

Համընկնող լուրեր