16:15 - Բանակում բան կա՞ր, որ գողանայինք...Ոչ սպա ունեինք, ոչ զինվոր, ոչ բաղնիք...Հո ախմախ չի, որ հետ գա         16:13 - Այսուհետ դադարեք ինձ համարել առողջապահության նախարարության ուռուցքաբանության գծով խորհրդատու, շուտով կտեսնեն, որ թագավորը մերկ է և այդ ամենն ուղղակի շղարշ էր      15:50 - Մարտի 1-ի դեպքերի հետ կապված ամբողջ բեռը դնում են պատմաբանների վրա, թե դուք որոշեք...    

20 հուլ 2019 16:54

«Օրենքով գող» Սուրեն Լենինականցու բերման ենթարկելու մասին տեղեկություն չի տրամադրվում. իրականացվում են տարբեր օպերատիվ միջոցառումներ

Ոստիկանությունը տեղեկություններ չի տրամադրում «օրենքով գող» Սուրեն Լենինականցու՝ Սուրեն Ավետիսյանին բերման ենթարկելու դեպքի վերաբերյալ, սակայն նշում է, որ իրականացվում են տարբեր օպերատիվ միջոցառումներ։
Այսպես՝ հուլիսի 1-ին Ոստիկանությունը հայտնել էր, որ Քրեական հետախուզության գլխավոր վարչության ծառայողները ստացված տեղեկություններն իրացնելիս մայրաքաղաքի Գալշոյան փողոցից Ոստիկանություն բերման են ենթարկել «օրենքով գող», Երեւանի 46-ամյա մի բնակչի։ Ըստ մամուլի տեղեկությունների՝ խոսքը «օրենքով գող» Սուրեն Լեննականցու՝ Սուրեն Ավետիսյանի մասին էր։ «Փաստինֆո»-ն դիմել էր Ոստիկանություն՝ հետաքրքրվելով, թե ինչ կասկածանքով է բերման ենթարկվել Սուրեն Ավետիսյանը, եւ նրա մասնակցությամբ դատավարական ինչ գործողություններ են իրականացվել։ Հարցրել էինք նաեւ, թե նրան բերման ենթարկելուն հիմք հանդիսացած տվյալների հիման վրա քրեական գործ հարուցվել է թե ոչ, եթե այո, ապա ինչ հոդվածով, իսկ եթե ոչ, ապա բերման ենթարկվելուց հետո արդյոք նա ենթարկվել է վարչական պատասխանատվության։
Իր պատասխանում Ոստիկանությունը ոչ հերքել, ոչ հաստատել է «օրենքով գող» Սուրեն Լենինականցու բերման ենթարկվելու մասին լուրերը` նշելով, որ առանց անձնական տվյալներ բացահայտելու հայտնում է, որ նմանատիպ օպերատիվ և պրոֆիլակտիկ բնույթի զրույցներ են անցկացվում նաև հիշյալ կատեգորիայի անձանց շրջանում. «ՀՀ ոստիկանությունն իր առջև դրված պարտականություններն իրականացնելիս օպերատիվ տեղեկություններ ձեռք բերելու և ստացած տեղեկությունները ստուգելու նպատակով իրականացնում է օրենքով նախատեսված օպերատիվ-հետախուզական բնույթի մի շարք միջոցառումներ, այդ թվում «օպերատիվ հարցում» ՕՀ միջոցառումը, որը կարող է իրակացվել ինչպես գաղտնի, այնպես էլ բացահայտ մեթոդներով։ Հանցագործությունները կանխելու և նախականխելու նպատակով ոստիկանությունն իր ամենաօրյա աշխատանքներում ներառում է նաև պրոֆիլակտիկ բնույթի միջոցառումների իրականացումը»։
Աղբյուր` Փաստինֆո

Մեկնաբանություններ

Համընկնող լուրեր