Մենք շուտով կիմանանք, թե ովքեր են եղել Crocus City Hall-ի ահաբեկչության պատվիրատուները. փորձագետ          Տեսանյութ.Արա, դուք վախեցած եք,Ճիշտ եք անում, որ վախենում եք.պահը մոտենում է.ինչ պլանավորել ենք, անելու ենք       Պուտինը հաջորդ հանդիպման ժամանակ Փաշինյանին ասել է. «Մենք զարմացած էինք, որ դուք այդպես որոշեցիք՝ ԼՂ-ն ճանաչել է Ադրբեջանի մաս    

06 օգոս 2019 11:40

ՔԿՀ-ներում հայտնաբերվել են արգելված իրեր և կասկածելի զանգվածներ

ՀՀ ԱՆ «Հրազդան» քրեակատարողական հիմնարկի աշխատակիցները օգոստոսի 5-ին՝ ժամը 09։10-ի սահմաններում, իրականացրել են չնախատեսված խուզարկություն, որի արդյունքում հիմնարկի 3-րդ մասնաշենքի խցերից մեկում՝ հատակում ներկառուցված թաքստոցից, հայտնաբերել են արգելված իրեր՝ 11 բջջային հեռախոս, խաղաթղթի 11 տրցակ, բջջային հեռախոսի 6 մարտկոց, 2 USB լար, համակարգչային 1 մկնիկ, լիցքավորման սարքի 1 գլխիկ, 20 լիտր ինքնաշեն եղանակով պատրաստված ոգելից խմիչք և 0,750 լիտր բժշկական սպիրտ:

Նույն օրը՝ 17:50-ի սահմաններում, ՀՀ ԱՆ «Նուբարաշեն» քրեակատարողական հիմնարկի աշխատակիցները հիմնարկի՝ հանձնուքների համար նախատեսված սենյակում զննության են ենթարկել դատապարտյալ Մ.Հ.-ի համար քաղաքացի Ե.Գ.-ի կողմից բերված հանձնուքը: Զննության արդյունքում հանձնուքից հայտնաբերվել է «Սև պղպեղ աղացած» գրառմամբ տուփ, որի մեջ եղել է 15,7գր սև, յուրահատուկ հոտով, թմրամիջոց հիշեցնող ափիոնանման զանգված:
Իսկ ավելի վաղ՝ 16:00-ի սահմաններում, նույն հիմնարկի աշխատակիցները հերթական շրջայցի ժամանակ կարանտինային մասնաշենքի թիվ 5-6 խցերի ճաղավանդակներից դուրս գտնվող տարածքից հայտնաբերել էին մարիխուանայի նմանվող դեղնականաչավուն 4 բույս:
Վերոհիշյալ փաստերի առթիվ նախապատրաստվում են նյութեր:


Մեկնաբանություններ


Համընկնող լուրեր