12:32 - Այսօր նշվում է Խաղողօրհնեքը՝ Աստվածածնի Վերափոխման տոնը         17:20 - Ադրբեջանը մարտական կրակ է իրականացրել զենիթահրթիռային համակարգերից (լուսանկարներ)      17:05 - Արտակարգ պատահար Կոտայքի մարզում. բնակիչն առավոտյան ոչխարներին հոշոտված է գտել    

07 օգոս 2019 13:55

BBC- ն ձեռք է բերել քննչական փաստաթղթերը.Ո՞վ է 2008 թ. Երևանում կրակել ցուցարարների վրա

BBC- ն հայտնում է, որ ձեռք է բերել Հայաստանի ժամանակակից պատմության ամենաողբերգական իրադարձություններից մեկի քննչական փաստաթղթերը, երբ 2008 թվականի մարտիմեկյան բողոքի ցույցերի ընթացքում Երևանում 10 մարդ սպանվեց: Հետաքննությունը կարծում է, որ ցուցարարների վրա կրակելու հրամանը տվել է գեներալ-մայոր Սամվել Կարապետյանը (Օգանովսկի):

Բացի այդ, ցանկում են հայտնվել երկու նախկին նախագահներ և երկու ազդեցիկ գործարար պատգամավորներ:
2008-ի փետրվար-մարտ ամիսներին տեղի ունեցած ողբերգական իրադարձությունների վերաբերյալ նոր քննությունը հիմք է հանդիսացել նախկին նախագահ Քոչարյանի դատավարության գործում: Հետաքննությունն ունի քաղաքական մեծ նշանակություն և կարող է էապես փոխել Հայաստանում քաղաքական ուժերի դասավորվածությունը:
 Զոհերի հարազատները նույնպես սպասում են հետաքննության արդյունքներին: Այնուամենայնիվ, գործը կոչվում է նաև ընտրովի արդարադատության օրինակ:
Քննության նյութերից պարզ է դառնում, որ.
  Ցուցարարների վրա կրակ են բացել ղարաբաղյան անվտանգության ուժերը՝ հրամանատար գեներալ Կարապետյանի հրամանով (ով ներկա պահին ունի վկայի կարգավիճակ):
     Հարցաքննությունների ընթացքում քննիչները պնդում էին, որ նրա ստորաբաժանումնորը տեղակայված են եղել ՀՀ նախագահի աշխատակազմի նկուղում:
  Հետաքննությունը կարծում է, որ ստորաբաժանումներին այցելել են նաև երկու նախագահները՝ Ռոբերտ Քոչարյանը և Սերժ Սարգսյանը:
 Քննիչները ստուգում են նաև երկու ազդեցիկ գործարարներ՝ Գագիկ Ծառուկյանի և Սամվել Ալեքսանյանի դերը, ովքեր կարող էին ֆինանսավորել ցույցի ցրման գործողությունները՝ Երևանում ղարաբաղյան անվտանգության ուժերի տեղակայումը:
 այաստանի և Լեռնային Ղարաբաղի աղբյուրները BBC- ին հաստատեցին որոշ հարցաքննությունների ընթացքում հնչեցված մեղադրանքները: Սակայն մեզ չհաջողվեց ստանալ հաստատում անկախ աղբյուրներից, որոնք վերաբերում են ցուցարարների սպանության բոլոր հանգամանքներին:
Սարգսյանի նախագահության երկու ժամկետներում սպանությունների մեղավորները չեն գտնվել:
  Նիկոլ Փաշինյանի նախաձեռնությամբ, ով իշխանության եկավ բողոքների նոր ալիքի միջոցով, սկսվեց նոր հետաքննություն 2008-ի իրադարձությունների վերաբերյալ:
Այն ընդունվեց ոգևորությամբ հայ հասարակության մեջ, որի համար 10 մարդու սպանության անպատժելիությունը մնաց լուրջ վնասվածք:
  Այնուամենայնիվ, քննության անթափանց բնույթը և նոր կառավարության ներկայացուցիչների հուզական հայտարարությունները հարցեր են առաջացրել գործի քաղաքական բնույթի և դատական համակարգի վրա ճնշման գործադրաման վերաբերյալ:
  Հիշեցնենք, որ գործող վարչապետ Փաշինյանը 2008-ին հավաքներ էր կազմակերպում և աշխատում էր պարտված թեկնածուի շտաբում, իսկ ավելի ուշ դատապարտվեց այդ իրադարձություններում իր դերակատարման համար:
   Հատուկ քննչական գործողություններ իրականացնող մարմինը գործի բոլոր մանրամասները հայտնում է ուղղակիորեն վարչապետին:
  Քննող մարմինը հրաժարվեց մեկնաբանությունից:
Կարապետյանը չցանկացավ BBC- ի հետ քննարկել իր դեմ առաջադրված մեղադրանքները:
Գործարարներ Ծառուկյանն ու Ալեքսանյանը հերքում են 2008 թ. իրադարձություններում իրենց դերի մասին պնդումները:
Քոչարյանի փաստաբանը չկարողացավ մեկնաբանություններ տալ մեզ:
Սարգսյանը նույնպես հրաժարվեց մեկնաբանել:
Մանրամասները՝ այստեղ:

Մեկնաբանություններ

Համընկնող լուրեր