Տեսանյութ.Քաղաքապետարանի մոտ վիճաբանություն սկսվեց. կան բերման ենթարկվածներ
Երեւանի քաղաքապետարանի դիմաց այսօր` օգոստոսի 8-ին, ակցիա անցկացնող ցուցարարների եւ քաղաքապետարանի մաքրության պատասխանատուների միջեւ վիճաբանություն սկսվեց, որից հետո ոստիկանությունը նրանց բերման ենթարկեց:Իրավիճակը սրվեց այն ժամանակ, երբ Սոնա Աղեկյանը մի ձեռքին ավել, մյուսում` կանացի հագուստ մոտեցավ քաղաքապետարանի շենքին եւ հայտարարեց, որ եթե քաղաքապետը չկատարի իր նախընտրական խոստումները, ապա իրենք կստիպեն, որ հագնի այդ կանացի հագուստը եւ շրջի քաղաքում:
Նշենք, որ բերման ենթարկվածների թվում են ակտիվիստ Գագիկ Սարուխանյանը եւ Սոնա Աղեկյանը: Ակցիայի մասնակիցներից մեկը նշեց, որ ակցիան իրենք կշարունակեն, սակայն այլ վայրում:
Ավելի վաղ հայտնել էինք, որ Երեանի ավագանու նախկին անդամ Սոնա Աղեկյանն իր աջակիցների հետ ավելներով բողոքի ակցիա է անցկացնում քաղաքապետարանի մոտ, նրանք պահանջում են լուծել աղբահանության խնդիրը:
