12:32 - Այսօր նշվում է Խաղողօրհնեքը՝ Աստվածածնի Վերափոխման տոնը         17:20 - Ադրբեջանը մարտական կրակ է իրականացրել զենիթահրթիռային համակարգերից (լուսանկարներ)      17:05 - Արտակարգ պատահար Կոտայքի մարզում. բնակիչն առավոտյան ոչխարներին հոշոտված է գտել    

08 օգոս 2019 13:21

Մենք չենք փոխհատուցում, այլ աջակցում ենք.Մարտի 1-ի տուժածների փոխհատուցման հարցը պետք է լուծվի Հայաստանից դուրս

Կառավարության նիստում այսօր քննարվեց Մարտի 1-ի իրադարձությունների ժամանակ տուժած անձանց աջակցություն տրամադրելու նախագիծը: Այն ներկայացրեց Արդարադատության նախարար Ռուստամ Բադասյանը: (Հարց համար 13)
Նախագծով տրամադրվող աջակցության ֆինանսավորումն իրականացվելու է պետական բյուջեի հաշվին, աջակցություն ստանալու համար պետք է դիմեն շահառու անձինք՝ անձամբ, կամ իրենց ներկայացուցչի միջոցով: Դիմումը պետք է ներկայացվի Արդարադատության նախարարություն որոշման ընդումից հետո մինչև 3 տարվա ընթացքում: Դիմում ընդունող մարմինն իրավունք ունի որոշում կայացնելու՝ ընդունում է այն, թե՝ ոչ: Եթե դիմումը բավարարվում է, լիազոր մարմինն աջակցության գումարը 5 օրվա ընթացքում փոխանցելու է տուժող կողմին:
Դրամական օգնությունը լինելու է հետևյալ չափերով՝ ստացված վնասվածքի պատճառով զոհված, մահացած անձի իրավահաջորդին՝ 30 միլիոն դրամ, առողջությանը ծանր վնաս հասցված անձին՝ 15 միլիոն դրամ, միջին վնասի դեպքում՝ 5 միլիոն դրամ:

Որոշումն ընդունվեց:

Վարչապետը հատուկ նշեց, որ այս աջակցությունը փոխհատուցում չէ, կյանքի գին չի որոշվում, այն ուղղակի ձևակերպվում է որպես աջակցություն. «Այս գործերով հետագա գործընթացները պետք է շարունակվեն: Մենք բավականին նուրբ իրավիճակում ենք, այն առումով, որ ես ինքս էլ 2008 թվականի Մարտի 1-2 իրադարձություններում ներգրավված եմ եղել ու մասնակից: Շատ կարևոր է, որպեսզի մենք էմոցիոնալ որոշումներ չկայացնենք, այլ ընդունենք ճիշտ բալանսավորված որոշումներ: Մենք, հիմնվելով ՄԻԵԴ-ի՝ Հայաստանի մասով կայացրած մի շարք որոշումների վրա, այս փուլի համար կայացրել ենք այսպիսի որոշում:

Այս հարցերը վերջնական լուծում պետք է ստանան ՄԻԵԴ-ում, փոխհատուցման չափը որոշի ՄԻԵԴ-ը, որպեսզի ներհայաստանյան համակարգերում շատ նուրբ իրավիճակները հաղթահարենք: Ես ուզում եմ կրկնել, որ մենք չենք փոխհատուցում, այլ աջակցում ենք: Փոխհատուցումն այլ հարթության հարց է և այլ ընթացակարգերով պետք է որոշվի»:


Մեկնաբանություններ

Համընկնող լուրեր