Տեսանյութ. Հայտնաբերվել է անբնական դիրքերով թաղված,զոհ մատուցված ավելի քան 250 երեխաների գերեզմանատեղի
Պերուի հյուսիս-արևմուտքում հնագետները հայտնաբերել են զոհաբերված 250 երեխաների գերեզմանատեղի:Հայտնագործությունն արվել է Լա-Լիբերտադ շրջանում: Ինչպես նշել է հնագիտական պեղումների ղեկավար Ֆերեն Կաստիլոն, հայտնաբերված մնացորդն0երը պատկանում են 13-15-րդ դարերին և անմիջական կապ ունեն նախակոլումբյան զարգացած չիմու մշակույթին:
Հայտնի է, որ երեխաների մարմնամնացորդները կտրած վերքերի հետքեր ունեն կրծքավանդակի և կողերի հատվածում:
Հայտնաբերվել է զոհ մատուցված ավելի քան 250 երեխաների գերեզմանատեղի
Երեխաները թաղվել են այդ մշակույթի համար անբնական դիրքերով՝ մեջքի կամ կողքի վրա պառկած: Այնինչ չիմուի ավանդական թաղման ձևը նստած դիրքն է: Հնագետները կարծում են, որ դա վկայում է ծիսական սպանությունների մասին: Նրանց կարծիքով՝ 4-14 տարեկան երեխաները զոհ են մատուցվել անձրևի աստծուն:
Հայտնաբերվել են նաև 40 այլ գերեզմաններ՝ զինվորականների ու գերիների: Նրանք ևս, մասնագետների հավաստմամբ, զոհաբերվել են աստվածներին:
