Պայման խախտող ուսանողը կվերադարձնի գումարը՝ որոշակի տոկոսներով
Այսօր՝ օգոստոսի 30-ին, Իմ քայլը հիմնադրամը կրթաթոշակների հավաստագրեր բաժանեց 54 ուսանողի, ովքեր ուսումնառությություն պետք է ստանան արտասահմանում, հետո վերադառնան Հայաստան՝ այստեղ աշխատելու համար: Հատկացվելու է ավելի քան 1 միլիոն դոլար: Հստակ թիվն այս պահին չի հայտարավում, քանի որ հիմա այն դեռ ճշտվում է: Եթե ավելի շատ գումար հնարավոր լինի ունենալ, այն կազդի կրթաթոշակի չափի վրա:Իսկ ի՞նչ է լինելու, եթե ուսանողները խախտեն պայմանը: Հիմնադրամից հայտնում են, որ այդ դեպքում գումարը պետք է վերադարձվի՝ որոշակի տոկոսներով:
Մենք պայմանը մշակելիս հաշվի ենք առել, որ հնարավոր է այնտեղ որոշակի ժամանակահատվածում աշխատանքային փորձ ձեռք բերել: Որպես ժամկետ սահմանվել է մեկ տարին: Այսինքն, ուսանողները կունենան 3 տարի ժամկետ: Եթե չվերադառնան, պետք է գումարը վերադարձնեն որոշակի տոկոսներով:
Ֆինանսավորումը տրվում է ամբողջ ուսումնառության համար: Մենք առաջնահերություն ենք սահմանել ոչ միայն մասնագիտությունների, այլ նաև ուսումնական ծրագրի առումով: Առաջնահերթ ենք համարել մագիստրատուրան, որն ավելի կարճ ժամանակով է և ավելի նեղ մասնագիտական, քան՝ բակալավրը: Բացի դրանից, բակալավրի դեպքում ուսանողները կգնան շատ ավելի վաղ տարիքում և վերադառնալու պայմանները քիչ կլինեն: Դրա համար մագիստրատուրան առաջնային է համարվել, չնայած ունենք նաև բակալավրում սովորող ուսանողները:
Նշենք, որ 54 ուսանողից 27-ը աղջիկ են, 27-ը՝ տղա: Նախնական թիվը եղել է 55, սակայն ավելի ուշ ուսանողներից մեկը հրաժարվել է:
Դոնորների մասին հիմնադրամն ինֆորմացիա չի հայտնում, քանի որ չկա նրանց համաձայնությունը:
