10:30 - Գեւորգ Կոստանյանը պատրաստվում է հիմնովին ջախջախել Հրայր Թովմասյանի դեմ քրգործը, որը հարուցվել է երեկ. «Հրապարակ»         10:17 - Լուրջ թերություններ չեն եղել, այլապես մենք կկորցնեինք Մարտակերտը, Թալիշը.«168 Ժամ»      10:00 - «Զախվատ» օպերացիա ընդդեմ Վանեցյանի. Ծեծելով ցուցմունք են կորզել.«Հրապարակ»    

20 սեպ 2019 13:55

Տեսանյութ. Ոստիկանները ծեծել են վարորդին «սուտ Նիկոլ» գրառման համար

Սեպտեմբերի 19-ի ուշ երեկոյան Երեւանի Հերացի փողոցում ոստիկանները կանգնեցրել են «Սուտ Նիկոլ» գրառմամբ ավտոմեքենան։ Այս մասին իր ֆեյսբուքյան էջի ուղիղ եթերում տեղեկացրել է «Քաղաքացիական գիտակցություն» հասարակական կազմակերպության նախագահ Նարեկ Սամսոնյանը։
Նրա խոսքով` ոստիկանները ծեծել են մեքենայի վարորդին, իսկ մեքենայում գտնվող կանանցից մեկի մատը կոտրել են:


«Էսօր «սուտ Նիկոլ» գրառման համար ոստիկանները շատ կոպիտ ձևով բերման են ենթարկում մեքենայի վարորդին, որի տեսանյութն ունեմ, կտեղադրեմ իմ էջում։ Սա է Նիկոլ Փաշինյանի ողջ տեսքը, սա է ժողովրդի թեկնածուն։ Սերժ Սարգսյանի ժամանակ անգամ էսպիսի բան չի եղել, էսա ձեր ընտրածը, հարգելի քաղաքացիներ»,- ուղիղ եթերում հայտարարել է Նարեկ Սամսոնյանը։
Ոստիկանը Նարեկ Սամսոնյանին  բացատրում է, որ  մեքենան խախտում է արել` վրան փակցնելով «Սուտ Նիկոլ» գրառումը, ինչին Նարեկ Սամսոնյանը հակադարձեց, որ այդ դեպքում «Դուխով» գրառումն էլ է գովազդային եւ պետք չի խտրական վերաբերմունք դրսեւորել:
Նարեկ Սամսոնյանը իր հետեւորդներին կոչ արեց իրենց մեքենաներին փակցնել «Սուտ Նիկոլ»  գրառումը, որն իրենց կողմից է ստեղծվել:
Նարեկ Սամսոնյանը NEWS.am-ին տեղեկացրեց, որ միջադեպով զբաղվում է Մարդու իրավունքների պաշտպանի գրասենյակը:



Մեկնաբանություններ

Համընկնող լուրեր