19:08 - Ժողովրդին մեղքերի թողություն պետք չէ, պարտքերի թողություն է պետք         17:15 - Աղմկոտ հայտարարություն Ստեփանակերտում. Փաշինյան-Սահակյան հանդիպում Երեւանում      16:55 - Չեմ կարծում, որ մեր փողոցներում պետք է մեր ղեկավարների խոսքերը փակցնենք.Սա ո՛չ Սովետական միությունն է, ո՛չ Կիմ Չեն Ինի Կորեան    

07 հոկ 2019 10:18

Անվտանգության բարձրաստիճան պաշտոնյան կասկածվում է Շակրո Մոլոդոյին աջակցելու մեջ

Մերձմոսկովյան «Росгвардия»-ի  «Булат» արագ արձագանքման հատուկ ջոկատի (ԱԱՀՋ) նախկին աշխատակիցները խնդրել են ստուգել նախկին ղեկավար, փոխգնդապետ Ալեքսեյ Կասյանին՝ «օրենքով գող» Զախարիա Կալաշովին, որը հայտնի է որպես Շակրո Մոլոդոյ, աջակցելու փաստը: Ըստ РЕН ТВ -ի՝ նամակներ են ուղարկվել ոչ միայն քննչական կոմիտեին և գլխավոր դատախազություն, այլև նախագահի աշխատակազմին:
Ուժայինները պնդում են, որ իրենց նախկին պետը 2015 թվականին մասնակցել է մայրաքաղաքի Elements ռեստորանի մոտակայքում տեղի ունեցած փոխհրաձգությանը և աջակցել է քրեական հեղինակությունների խմբավորմանը: Նա կարողացել է խուսափել քրեական պատժից. նրա դեմ գործը կարճվել է հանցակազմի բացակայության պատճառով:
Մասնավորապես, նամակներում ասվում է, որ Կասյանին իբր «պահում են» նրա ղեկավարները, այդ թվում՝ «գնդապետներ Սլեպցովը և Ձեկալոն»: Հեռուստաալիքը նշում է, որ Ռոսգվարդիան սկսել է ներքին ստուգում, բայց այդ տեղեկատվությունը դեռ պաշտոնական հաստատում չի ստացել:
Հոկտեմբերի սկզբին հայտնի դարձավ, որ Ռուսաստանի քննչական կոմիտեի Մոսկվայի բաժինը նախատեսում է քրեական գործ հարուցել նախկին անվտանգության ուժերի դեմ, որոնք, հնարավոր է, օգնել են Շակրո Մոլոդոյին՝ մայրաքաղաքի խաղատան գրավման գործում: Ըստ ԶԼՄ-ների տեղեկությունների, գործի մասնակիցների թվում են ոստիկանության նախկին գեներալ Ալեքսանդր Օրլովը, ինչպես նաև կազմակերպված հանցավորության դեմ պայքարի վարչության նախկին աշխատակից Դմիտրի Զաբեդնովը:


Մեկնաբանություններ

Համընկնող լուրեր